गान्तोक: राष्ट्रीय राजधानी नयाँ दिल्लीमा बिहीबारदेखि शुरू भएको एसआइएएल प्रदर्शनीमा सिक्किम राज्यले पनि उत्साहजनक रूपमा सहभागिता जनाएको थियो। दिल्लीस्थित यसोभूमि प्रेक्षागृहमा आयोजित तीन दिवसीय प्रदर्शनी कार्यक्रममा राज्यका उद्यामीहरूले पनि सहभागिता जनाएका छन्। विशेष गरेर राज्यको वाणिज्य एवं उद्योग विभागले उक्त प्रदर्शनीमा सिक्किम राज्यको जैविक उत्पादनलाई बढावा दिने उद्देश्यले ९ जनालाई पठाएको छ। उक्त प्रदर्शनीमा सिक्किमका उद्यामीहरूले डल्ले खोर्सानी, अदुवा, ठूलो अलैंची साथै किवीबारे प्रदर्शन गरिरहेका छन्। यसकासाथै सिक्किमका प्रशोधित र मूल्यवर्धित उत्पादनहरू जस्तै फलफूलको जुस, अचार, जाम, स्क्वास, मोरिंगा पाउडर, खाब्जे र फिन्नी जस्ता परम्परागत खाजाहरू पनि सिक्किमको जैविक उत्पादनलाई लोकप्रिय बनाउन र देश भित्र र विदेशमा बजार सम्बन्धहरू विकास गर्न यस कार्यक्रममा प्रदर्शन साथै प्रचार गरिँदैछ। एसआइएलको क्षेत्रमा भारत विश्वको सबैभन्दा ठूलो खाना र खाद्य आविष्कार नेटवर्क प्रदर्शनीहरूको अभिन्न अंग हो। यस विश्वव्यापी नेटवर्कमा १६० भन्दा बढी देशका हजारौं कम्पनीहरू छन्, जसले सम्पूर्ण खुद्रा उद्योग सहित सात सय भन्दा अधिक पेशेवरहरूको गतिशील समुदायलाई चित्रण गर्दछ।