मालदा: माणिकचक ब्लकको धरमपुर इलाकाको रुस्तमपुर घाट नजिकैको इलाकामा अज्ञात व्यक्तिको शव फेला परेपछि क्षेत्रमा हलचल मच्चिएको छ। आज बिहान खेतमा काम गर्ने क्रममा स्थानीयले गंगा नदीमा शव तैरिरहेको देखे। खबर पाएलगत्तै स्थानीय बासिन्दा जम्मा भए। स्थानीयले तत्कालै माणिकचक पुलिस  चौकीलाई खबर गरे। पुलिसले घटनास्थलमा गएर शव बरामद गर्यो। शव पोस्टमार्टमका लागि मालदा मेडिकल कलेज एवं अस्पतालमा पठाइएको बताइएको छ। तर, समाचार लेख्दासम्म मृतकको नाम खुल्न सकेको छैन। घटनाबारे माणिकचक पुलिस चौकीले अनुसन्धान गरिरहेको छ।