इटानगर: मुख्यमन्त्री पेमा खाण्डुले अरुणाचल प्रदेशमा साहसिक पर्यटनलाई प्रवर्द्धन गर्नका लागि विश्वस्तरीय पूर्वाधार र सुविधा निर्माणमा जोड दिएका छन्। उनले सरकारलाई कदम चाल्नका लागि व्यावहारिक सुझावहरू प्रस्ताव गर्न सरोकारवालाहरूलाई आह्वान गरेका छन्। बुधबार साँझ एडभेन्चर टुर अपरेटरस् एसोसिएसन अफ इण्डिया (एटीओएआई) को १६औं वार्षिक एडभेन्चर सम्मेलनमा बोल्दै मुख्यमन्त्री खाण्डुले भने, “सरकारका लागि विश्वस्तरीय साहसिक पर्यटन पारिस्थितिकी तन्त्र विकास गर्न पैसा समस्या होइन, तर प्राविधिक ‘ज्ञान’ समस्या हो। सरकार र यसको प्रणालीले केवल आफ्नो सीमित प्राविधिक विशेषज्ञता प्रयोग गरेर यस क्षेत्रमा ध्यान दिन सक्दैन, विशेषगरी अरुणाचल प्रदेशमा ठूलो सम्भावना रहेको क्षेत्रमा।‘ उनले भने, “साहसिक उत्साहीहरू र एटीओएआई जस्ता संस्थाहरूले सिफारिसहरू प्रस्तुत गर्नुपर्छ, जसमा राज्य र केन्द्र सरकारले काम गर्न सक्छ।‘’ उनले अरुणाचल प्रदेशको यात्राको योजना बनाउन चाहने उत्साहीहरूको लागि साहसिक पर्यटनको सम्भावना र नक्सामा आधारित पुस्तिका तयार गरेकोमा एटीओएआईको प्रशंसा गरे।  ३ दिसम्बरदेखि देखि ८ दिसम्बरसम्म चल्ने ६ दिनको सम्मेलनले अन्ततः साहसिक पर्यटनलाई केवल अरुणाचल प्रदेशमा मात्र नभई उत्तरपूर्व र देशभर अर्को स्तरमा पुर्‍याउनका लागि नयाँ विचारहरू र व्यावहारिक उपायहरू पस्कनेछ भन्नेबारेमा उनले आशा प्रकट गरे। उनले भने, ‘यसको उद्देश्य होमस्टे र सीप विकास जस्ता पहलमार्फत स्थानीय समुदायहरूलाई सशक्त पार्नु र अरुणाचल प्रदेशलाई जिम्मेवार पर्यटनका लागि एउटा मोडेल बनाउनुका साथै विविध पारिस्थितिकी तन्त्रहरूको उपयोग गर्नुपर्छ। हाम्रो लक्ष्य केवल पर्यटन प्रवर्द्धन गर्नु मात्र होइन, तर यस्तो दिगो प्रभाव सिर्जना गर्नुपर्छ जसले अर्थतन्त्रलाई फाइदा पुर्‍याओस्, सांस्कृतिक पहिचानलाई जोगाओस् र भविष्यका पुस्ताका लागि वातावरणलाई सुरक्षित राखोस्।‘