कोलकाता: कोलकाताको उत्तरी भाग मानिकतलामा अवस्थित जेएन रे अस्पतालले बंगलादेशी बिरामीहरूलाई उपचार गर्न अस्वीकार गरेको छ। बंगलादेशमा अल्पसंख्यक हिन्दूमाथि भएको कथित अत्याचारको विरोधमा यो कदम चालिएको बताइएको छ। शुक्रबार बंगलादेशी नागरिकले भारतीय झण्डाको अपमान गरेपछि उक्त निर्णय गरिएको अस्पतालका अधिकारी सुभ्रांशु भक्तले बताए। अस्पतालले आफ्नो सूचनामा भनेको छ, “आजदेखि अर्को आदेशसम्म हामी कुनै पनि बंगलादेशी बिरामीलाई उपचारका लागि लिने छैनौं।‘ यो विशेष गरी भारतप्रति देखाएको अपमानको कारण बताए। सुभ्रांशु भक्तले नगरका अन्य अस्पताललाई पनि यो व्यवस्था पालना गर्न सहयोग गर्न आग्रह गरे।भक्त भन्छन्, “तिरङ्गाको अपमानलाई ध्यानमा राखेर हामीले बंगलादेशीहरूसँगको व्यवहार बन्द गर्ने निर्णय गरेका छौं। बंगलादेशको स्वतन्त्रतामा भारतले महत्त्वपूर्ण भूमिका खेलेको थियो, तर यसका बाबजुद पनि आज हामी भारत विरोधी भावना देखिरहेका छौं। हामी आशा गर्छौं कि अन्य अस्पतालहरूले पनि हामीलाई सहयोग गर्नेछन् र यस्तै कदम चाल्नेछन्।” अन्य अस्पतालहरूले यो निर्णयलाई पालना गर्छन् कि गर्दैनन् र भविष्यमा यसले कस्तो प्रभाव पार्छ त्यो हेर्न चाखलाग्दो हुनेछ। उदाहरणका लागि, बंगलादेशमा नयाँ अन्तरिम सरकार आएदेखि हिन्दू समुदायविरुद्ध हिंसाका धेरै घटनाहरू प्रकाशमा आएका छन्। यस अवधिमा मन्दिरहरू तोडफोड भएका छन् र धेरै समुदायका मानिसहरूको हत्या पनि भएको छ। यसैबीच, हिंसा जारी छ र भारतले यसको कडा विरोध गरेको छ।