कालेबुङ: मंगलधुरा कल्याण समिति, संगसीर कमानको आयोजनमा सिन्कोना गोल्ड कप फूटबल टुर्नामेण्ट शुक्रवारदेखि शुरु भयो। मंगलधुरा खेल मैदानमा आज भएको उद्घाटन म्याचमा कञ्चनजंघा फूटबल क्लब (केएफसी)-ले कालेबुङ पुलिसविरुद्ध पेनल्टी शूटआउटमा ६-५-ले जीत हासिल गऱ्यो। नियमित समयको खेलमा दुवै टीमले गोल गर्न सकेन। शनिवार खेलिने म्याचमा केएनजेएस सिक्किम र जर्जियन फूटबल क्लबबीच भिड़न्त हुनेछ। यस सेवेन ए साइट टुर्नामेण्टमा च्याम्पियन हुने टीमलाई आकर्षक ट्रफीको साथमा १.५० लाख रुपियाँको नगद पुरस्कार प्रदान गरिनेछ।

यसरी नै रनरअप् हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। टुर्नामेण्टको फाइनल २२ दिसम्बरमा हुनेछ।