सिलगढी: बंगलादेशको चटगाउँ इस्कोन पुण्डरिक धामका अध्यक्ष महन्त चिन्मय कृष्ण दास (चिन्मय प्रभु) लाई रिहा गर्न र हिन्दूहरूमाथि हुने अत्याचार रोक्न माग गर्दै हिन्दू जागरण मञ्चले र्‍याली निकाल्यो। हिन्दू जागरण मञ्चका कार्यकर्ता र समर्थकहरूले यसको विरोधमा सिलगढीमा विरोध प्रदर्शन गरे। संगठनका सदस्यहरूले बिहीबार दिउँसो सिलगढीको बागायतीन पार्कबाट सिलगढी महकुमा अधिकारीको कार्यालयसम्म जुलुस निकाले। संगठनका सदस्यहरूले त्यहाँका पदाधिकारीहरूलाई ज्ञापनपत्र बुझाए। हिन्दू जागरण मञ्चले चिन्मय प्रभुलाई रिहा गर्न र हिन्दूमाथि हुने अत्याचार रोक्न माग गरेको छ।