देहरादून: उत्तराखण्डमा ऋषिकेश थाना अन्तर्गत नटराज चौक छेउ अबेर राति एउटा अनियन्त्रित ट्रकले वेडिङ पोइन्ट बाहिर राखिएका वाहनहरूलाई ठक्कर दिॅंदा राज्य आन्दोलनकारी एवं उत्तराखण्ड क्रान्ति दल (यूकेडी) का पूर्व अध्यक्ष त्रिवेन्द्रसिंह पंवारसहित दुईको मृत्यु भएको छ। दुर्घटनामा एक युवक गम्भीर रूपमा घाइते भएका छन्। घटनापछि आरोपी चालक ट्रक लिएर भागेका छन्। मुख्यमन्त्री पुष्करसिंह धामीले उत्तराखण्ड क्रान्ति दलका पूर्व केन्द्रिय अध्यक्ष एवं संरक्षक त्रिवेन्द्रसिंह पंवारको निधनमा दु:ख व्यक्त गरेका छन्। उनले भगवानसॅंग पुण्यात्मालाई श्रीचरणमा स्थान तथा शोक सन्तप्त परिजन, समर्थकलाई यो असीम कष्ट सहन गर्न शक्ति प्रदान गरुन् भनी प्रार्थना गरेका छन्। उत्तराखण्ड क्रान्ति दलका नेता त्रिवेन्द्रसिंह पंवार (६९), माजरी लालतप्पड़ निवासी गुरजीत सिंह (३५) र जतिन एक वैवाहिक समारोहमा सामेल हुन गएका थिए। यस क्रममा सीमेन्टले भरिएको एउटा अनियन्त्रित ट्रकले वेडिङ पोइन्ट बाहिर राखिएका पॉंचभन्दा धेरै वाहनलाई ठक्कर दिॅंदै त्रिवेन्द्रसिंह पंवार, गुरजीत सिंह र जतिनलाई आफ्नो चपेटमा लियो।

दुर्घटनापछि निकै होहल्ला मचियो। सूचना पाएर पुलिस उपाधीक्षक ऋषिकेश सन्दीप नेगी घटनास्थल आइपुगे। उनले पंवारसहित तीन जनालाई अस्पताल पठाए भने चिकित्सकहरूले गुरजीत सिंहलाई मृत घोषित गरिदिए। ​त्रिवेन्द्रसिंह पंवारलाई ऋषिकेश एम्स रेफर गरियो, जहॉं उनको मृत्यु भयो। ऋषिकेश थाना प्रभारी निरीक्षक आरएस खोलियाले आरोपी ट्रक चालकलाई पक्रा गर्न प्रयास जारी रहेको बताएका छन्।