जलपाईगुडी: तरकारीको मूल्य नियन्त्रण गर्न प्रदेश सरकारले निरन्तर प्रयास गरिरहेको छ। यसै सन्दर्भमा मुख्यमन्त्री ममता ब्यानर्जीको आदेशमा आलुको निर्यातमा प्रतिबन्ध लगाइएको भए पनि बजारमा आलु, प्याज र अन्य तरकारीको मूल्य भने घटेको देखिँदैन। आज पनि जलपाईगुडीका विभिन्न बजारमा आलु प्रतिकिलो ३५ रुपैयाँमा बिक्री भइरहेको छ। इन्दिरा गान्धी कालोनी, जलपाईगुडी दिनबजार, स्टेशन बजारलगायतका बजारमा आज आलु प्याज ३५ रुपैयाँ, प्याज ७० रुपैयाँ, काउली ६० रुपैयाँ र बैंगन प्रतिकिलो ६० रुपैयाँमा बिक्री भइरहेको छ। यो सिजनमा तरकारी सस्तो हुने ग्राहक बताउँछन् तर यस वर्ष चिसो मौसममा पनि तरकारीको भाउ आकाशिदो छ।