काठमाण्डू मेडिकल व्यवसायी दुर्गा प्रसाईंलाई सर्वोच्च अदालतमा उपस्थित गराउन आदेश भएको छ। आइतबार न्यायाधीश मनोजकुमार शर्माको इजलासले बन्दीप्रत्यक्षीकरणको रिटमा प्रसाईंलाई उपस्थित गराउन आदेश दिएको हो। इजलासले विपक्षीको नाममा कारण देखाउ आदेश समेत जारी गरेको छ। उनका छोरा निराजन प्रसाईंले गृह मन्त्रालय, प्रहरी प्रधान कार्यालय नक्साल, केन्द्रीय अनुसन्धान ब्युरो लाजिम्पाट र काठमाण्डू जिल्ला अदालतलाई विपक्षी बनाएर शुक्रबार रिट दायर गरेका थिए। सिआइबीले दुर्गा प्रसाईंलाई भक्तपुरस्थित निवासबाट गत नवंबर १९मा पक्राउ गरेको थियो।