जलपाईगढी: आज बिहान सात बजे एउटा हात्ती चिया बगानमा आयो तर केही समयपछि फेरि जंगलमा पस्यो। चिया बगानमा हात्ती घुमेको देखेपछि मजदुरहरु डराए। घटना डुवर्सको मिङ्लास चिया बगानको मल्ल ब्लकको सेक्शन ९ मा भएको हो। मजदुर काममा गएपछि चिया बगानको बीचमा हात्ती उभिएको देखे। हात्ती देखेर मानिसहरुको भीड जम्मा भयो। जब मानिसहरू चिच्याउन थाले, तब हात्ती यता-उता दौडन थाल्यो। सूचना पाएलगत्तै वनकर्मी घटनास्थल पुगे। केही समय चियाबारीमा बसेपछि हात्ती फेरि भुट्टाबारी जंगलभित्र पस्यो। त्यसपछि अर्को हात्तीको समूह सेली चिया बगानको चेललाइन श्रमिक मोहल्ला क्षेत्रमा आयो। हात्ती देखेपछि भीड जम्मा भयो। तर, हात्ती केही बेर उभिएर नुहाउन चेल नदीमा झर्यो। खोलाको पानीले शरीर भिजाएर फेरि जंगलतिर लागे।