सोरेङ: परख राष्ट्रिय सर्वेक्षणमा संलग्न क्षेत्र अन्वेशकहरूको निम्ति सोमवार पीएम श्री सोरेङ माध्यमिक विद्यालयमा एक वृहत प्रशिक्षण कार्यक्रम आयोजन गरियो। यस पहलको उद्देश्य शैक्षिक मूल्याङ्कन बढाउनु हो, जसको निम्ति ४ दिसम्बर, २०२४ मा राष्ट्रव्यापी सर्वेक्षण निर्धारित गरिएको छ।
कार्यक्रमको अध्यक्षता मुख्य शिक्षा अधिकारी एलडी शर्माले गरेकी थिइन्। कार्यक्रममा शिक्षा विभागका अधिकारीहरू उपस्थित थिए। प्रशिक्षणको उद्देश्य जिल्लाले पहिचान गरेका शिक्षा विभागका मनोनित गैर-शैक्षिक कर्मचारीहरूलाई आगामी सर्वेक्षणलाई प्रभावकारी रूपमा सञ्चालन गर्न आवश्यक कौशल र ज्ञानले सुसज्जित गर्नु रहेको थियो।
छोटा साम्दोङ उच्चतर माध्यमिक विद्यालयका प्रधानाध्यापक डा. राजु शर्मा र सहायक शिक्षा अधिकारी बेनू गोपाल प्रधानले प्रशिक्षण कार्यक्रमको अगुवाई गरेका थिए। उनीहरूका विशेषताले नमूना विद्यालयहरूमा परख राष्ट्रिय सर्वेक्षण आयोजित गर्ने विधिहरूमा बहुमूल्य अन्तर्दृष्टि प्रदान गऱ्यो। प्रशिक्षण सफलतापूर्वक सम्पन्न भयो, जसमा प्रतिभागीहरूले परख राष्ट्रिय सर्वेक्षणमा सार्थक रूपमा योगदान दिने आफ्नो क्षमतामा विश्वास व्यक्त गरेको कुरा विज्ञप्तिमा उल्लेख छ।