पाक्योङ: वैज्ञानिक मत्स्यपालनका लागि जानकारीमूलक सहयोग तथा ताजा पानीको मत्स्यपालनमा हालसालैको प्रगतिका विषयमा तालिम कार्यक्रम आज पाक्योङ जिल्लाको सामुदायिक भवनमा आईसीएआर-सेन्ट्रल इन्स्टिच्युट अफ् फ्रेशवाटर एक्वाकल्चर र मत्स्य विभागको सहकार्यमा आयोजना गरियो। कार्यक्रममा प्रमुख अतिथिका रूपमा कृषि, बागवानी, पशुपालन तथा पशु चिकित्सा सेवा र मत्स्य विभागका मन्त्री पुरण कुमार गुरुङ उपस्थित थिए। त्यसैगरी, अतिथिका रूपमा प्रमुख वैज्ञानिक डा सुभेन्दु अधिकारी, सिक्किममा मत्स्यपालन विकास गतिविधिका संयोजक तथा वैज्ञानिक डा फरहाना हक, वैज्ञानिक डा अजमल हुसेन, एसभीईपीकी श्रीमती शेल्बी मन्डोर र एसभीईपीकी बीपीएम श्रीमती यशोधा पनि सहभागी थिए।

आफ्नो सम्बोधनमा मन्त्री पुरण गुरुङले माछा पालकहरुलाई आधुनिक माछा पालन प्रविधि अपनाउन प्रोत्साहित गर्दै उत्पादनशीलता र स्थिरता वृद्धि गर्न प्रविधिको भूमिकाको महत्त्वलाई उजागर गरे। उनले आर्थिक सशक्तिकरण र जीविकोपार्जनको स्रोतको रूपमा माछा पालन क्षेत्रको विकासलाई प्रवर्द्धन गर्न सरकारको प्रतिबद्धता बारे पनि जोड दिए। मन्त्रीले किसानहरुलाई प्रधानमन्त्री मत्स्य सम्पदा योजना (पीएमएमएसवाई) जस्ता केन्द्रद्वारा प्रायोजित योजनाहरूको सदुपयोग गर्न आग्रह गर्दै यस्ता योजनाले आर्थिक सहयोग, बजार जडान, र तालिमका अवसरहरू प्रदान गर्ने बताए। उनले ग्रामीण उद्यमशीलतामा माछा पालनलाई समावेश गर्नुपर्ने महत्त्वलाई जोड दिए, जसले समुदायका लागि आर्थिक लाभको श्रृंखलात्मक प्रभाव सिर्जना गर्नसक्छ। मन्त्री पुरण गुरुङले विशेष गरी आफ्नो क्षेत्रमा जलस्रोत भएका व्यक्तिहरूलाई माछा पालनलाई मात्र आयको स्रोतका रूपमा नभई भविष्यका पुस्ताले पनि अपनाउन सक्ने स्थायी उद्यमका रूपमा अगाडि बढाउन प्रोत्साहित गरे।उनले सिक्किममा माछा पालनको प्रवर्द्धनका लागि संस्थाको सहयोगप्रति आईसीएआर-सीआईएफएका निर्देशक डा पीके साहूलाई धन्यवाद जनाए।

मत्स्य विभागका आरओ कृष्ण प्रसाद शर्माले सिक्किमको मत्स्य क्षेत्र र प्रधानमन्त्री मत्स्य सम्पदा योजना (पीएमएमएसवाई) तथा मुख्यमन्त्री मत्स्य उत्पादन योजना (एमएमएमयूवाई) जस्ता विभिन्न योजनाहरूको कार्यान्वयनबारे विस्तृत प्रस्तुति दिए।कार्यक्रममा विभिन्न मुख्य विशेषताहरू प्रस्तुत गरिएको थियो, जसमा समावेश थियो:

• किसान क्रेडिट कार्ड (केसीसी) वितरण:
• रत्न कुमारी सुब्बा, सीबीआई पाक्योङ – एक लाख
• हेमा राई, सीबीआई पाक्योङ– पचास हजार
• कमला छेत्री, सिस्को पाक्योङ– पचास हजार

माछाको दाना र अमुर कार्पका बीउहरू ५० जना माछा पालकहरूलाई माछाको दाना र अमुर कार्पको बीउ वितरण गरियो। आर्थिक वर्ष २०२३-२४ अन्तर्गत ३२ जना ट्राउट किसानहरूलाई रेसवे एफआरपी-ग्रेड इकाइहरू र पीवीसी पाइपहरू प्रदान गरियो। एनएफडीपी प्रमाणपत्रहरू पनि प्रमुख अतिथिद्वारा रिगु एफएफपीओलाई प्रदान गरियो, जसले पाक्योङ  जिल्लाभरका किसानहरूलाई लाभ पुर्‍याएको छ। कार्यक्रममा अन्तरक्रियात्मक सत्र पनि आयोजना गरिएको थियो, जसले प्रगतिशील किसानहरूलाई आफ्नो मत्स्यपालनको अनुभव साझा गर्न प्लेटफर्म प्रदान गर्‍यो। किसानहरूले मत्स्य विभागको निरन्तर सहयोग र बहुमूल्य मार्गदर्शनप्रति आभार व्यक्त प्रकट गरे। कार्यक्रमको प्रारम्भमा मत्स्य विभागकी सहायक निर्देशक गौरी मुखियाले स्वागत भाषण राखिन्। -आईपीआर