गान्तोक:: मुख्यमन्त्री प्रेमसिंह तामाङले शुक्रवार बिहान राजधानीस्थित देवरालीमा राज्य पञ्चायत संसाधन केन्द्रको विधिवत रूपमा उद्घाटन गरेका छन्। उनले यो सुविधा पञ्चायत प्रतिनिधि र सरोकारवालाहरूलाई तालिम, क्षमता निर्माण, र स्रोत सहयोग मार्फत स्थानीय शासनलाई सशक्त बनाउन समर्पित रहेको सोशियल साइट फेसबुक पोस्टमा जानकारी गराएका छन्।मुख्यमन्त्रीले स्थानीय नेताहरूलाई आवश्यक पर्ने कौशल र संसाधनहरूले सुसज्जित गरेर यस केन्द्रले तल्लो तहको लोकतन्त्रलाई सुदृढ गर्न र यस क्षेत्रमा समुदायको नेतृत्वमा भएका पहलहरूको प्रभावकारिता बढाउनमा निर्णायक भूमिका खेल्नेछ भनी बताएका छन्।