सिलगढी: सिलगढी शहरमा २४ घण्टाको अवधि दुई भिन्न-भिन्नै स्थानमा आगलागीको घटना घटेको छ। आगलागीका यी दुई घटनाले शहरमा हडकम्प मच्चाएको छ। बुधबार राति एसएफ रोडमा भयावह आगलागीको घटनामा तीनवटा पसल जलेर खाक भएको थियो। त्यहीँ, बिहीबार राति सिलगढी नगर निगमको ४६ नम्बर वार्डको चम्पासारीस्थित ढकनीकाटा क्षेत्रमा एउटा डेकोरेटरको गोदाममा आगो लागेको घटना घटेको छ। यस घटनामा डेकोरेटरको गोदाम जलेर भष्म भएको छ। यस घटनामा डेकोरेटरलाई धेरै आर्थिक क्षति पुगेको छ। यद्यपि, कुनै प्रकारको ज्यानको क्षति भने भएको छैन। यसैगरी, घटनाको खबर पाएर वार्ड पार्षद दिलीप बर्मन पनि घटनास्थलमा आइपुगेका थिए। दमकल विभागले उक्त घटनाको जाँच सुरु गरेको छ।