मुम्बई: फिल्म निर्माता सुभाष घईले बुधबार आफ्नो २००४ फिल्मको २०औं रिलिज वार्षिकोत्सवमा “ऐतराज २” घोषणा गरे। अक्षय कुमार, प्रियंका चोपडा जोनास र करीना कपूर खान अभिनीत “ऐतराज” एक रोमान्टिक थ्रिलर थियो जुन १२ नोभेम्बर २००४ मा पर्दामा आएको थियो। रोमान्टिक थ्रिलर फिल्मलाई अब्बास–मस्तानले निर्देशन गरेका हुन्। आफ्नो ब्यानर मुक्ता आर्ट्सबाट फिल्म निर्माण गर्दै आएका घईले सिक्वेलको स्क्रिप्ट तयार भइसकेको बताए। “अब मुक्ता आर्ट्स ३ वर्षको कडा परिश्रमपछि उत्कृष्ट स्क्रिप्टसहित ऐतराज २ को लागि तयार छ। पर्खनुहोस् र हेर्नुहोस्’’, उनले इन्स्टाग्राममा लेखेका छन्। आफ्नो पोष्टमा, निर्माताले सम्झना गरे कि प्रियंकाले शुरुमा सोनियाको भूमिका निभाउनेमा कसरी शंका गरेको थियो, जसले आफ्नो पूर्व प्रेमी र कनिष्ठ सहकर्मी राज (अक्षय) लाई यौन उत्पीडनको आरोप लगाउँछ। “बोल्ड र सुन्दर प्रियंका चोपडाले हिम्मत गरिन्। त्यसैले सिने प्रेमीहरूले मुक्ता आर्ट्सद्वारा निर्मित #ऐतराजमा उनको अभिनय २० वर्षपछि पनि बिर्सन सक्दैनन्।”