तूरिन: साल २०१८ र २०२१-का विजेता जर्मनीका अलेक्जेण्डर ज्वेरेवले एटीपी फाइनल्समा तेस्रो खिताब जित्ने दिशामा कदम बढ़ाउँदै जीतको साथ शुरुवात गरे। उनले आफ्नो ग्रुपको पहिलो म्याचमा रुसका आन्द्रेई रुबलेवलाई सीधा सेटमा ६-४, ६-४-ले पराजित गरे। यसरी नै युगलमा भारतका रोहन बोपन्ना र अष्ट्रेलियाका म्याथ्यू एबडेनको जोड़ीले ग्रुप चरणको पहिलो म्याचमै हारको सामना गर्नु पऱ्यो। बोपन्ना-एबडेनको जोड़ीलाई साइमन बोलेली र एण्ड्रिया ववासरीको जोड़ीले ६-२, ६-३-ले पराजित गऱ्यो। यस जीतको साथै बोलेली र ववासरीको जोड़ीले बोपन्ना-एबडेनको जोड़ीसँग अष्ट्रेलियन ओपनको फाइनलमा प्राप्त भएको हारको हिसाब चुक्ता गऱ्यो।
पेरिस मास्टर्सको खिताब जितेर आउने ज्वेरेवको यो लगातार छैटौं जीत हो। म्याचमा ज्वेरेवले शुरुदेखि नै असल प्रदर्शन गरे। उनले म्याचमा जम्मा ९ वटा एस लगाए अनि आफ्नो सर्विसमा केवल १० पोइण्ट्स गुमाए। म्याचपछि रुबलेवले भने, ज्वेरेवले २२० किमी प्रति घण्टाको गतिमा सर्विस गरिररेका थिए। यस्तो सर्विसको सामना गर्नु सजिलो हुँदैन। यसरी यस साल अष्ट्रेलियन ओपन र यूएस ओपनको खिताब जित्ने इटलीका यानिक सिनरलाई सालको विश्वका नम्बर एक खेलाड़ीको ट्रफी दिइयो। सिनरले भने, यस ट्रफीलाई ग्रहण गर्ने यसभन्दा राम्रो स्थान अरू कुनै हुन सक्दैन। सिनरले आइतवार खेलिएको पहिलो म्याचमा एलेक्स डी मिनौरलाई पराजित गरेका थिए। यसरी सोमवार नर्वेका कास्पर रुडविरुद्ध पराजित भएपछि स्पेनका कार्लोस अल्काराजले उनको पेटमा समस्या रहेको बताएका छन्।

बोपन्ना चौथोपल्ट एटीपी फाइनल्स खेलिरहेका छन्। पुरुष युगलको म्याचमा इटलीको जोड़ीलाई स्थानीय दर्शकहरूबाट भरपूर समर्थन प्राप्त भयो। बोपन्ना-एबडेनले महत्त्वपूर्ण मौकाहरूमा दुईवटा डबल फल्ट गरे अनि दुवै अवसरमा उनीहरूका सर्विस ब्रेक भयो। बब ब्रायन ग्रुपमा सामेल बोपन्ना र एबडेनको अघिल्लो म्याच अल सल्वाडोरका मार्सेलो अरेवालो र क्रोएशियाका म्याट पेविचको शीर्ष वरीयता प्राप्त जोड़ीविरुद्ध रहेको छ। बोपन्ना-एबडेनको जोड़ी गत वर्ष एटीपी फाइनल्सको सेमिफाइनलमा पुगेको थियो।