मालदा: एक दैनिक ज्याला मजदुरको शव आँपको रुखमा झुण्डिएको अवस्थामा फेला परेको छ। मृतकका परिवारले उनको हत्या गरेको आरोप लगाएका छन्। मालदा जिल्लाको भूतनी थाना क्षेत्रको दक्षिण चण्डीपुर ग्राम पञ्चायतको शंकरटोला बाँध क्षेत्रमा मंगलबार बिहान ७ बजे भएको घटनालाई लिएर निकै चालचल मच्चियो। पुलिस स्रोतका अनुसार मृतकको नाम विजय मण्डल (४५ वर्ष) रहेको, र उनी पेशाले दैनिक ज्यालादारी मजदुर थिए। गत साँझ गाउँकै एक व्यक्ति विजय मण्डलको घरमा आएर केही समय बसेपछि लगेको मृतकका परिवारको आरोप छ। विजय मण्डल हिजो साँझदेखि घर फर्केका थिएनन्। परिवारका सदस्यहरू राति पनि खोजे। अन्ततः गाउँका बासिन्दाले घरभन्दा करिब १०० मिटर टाढा जमिनमा आँपको रुखमा झुण्डिएको अवस्थामा शव फेला पारे। विजय मण्डलका परिवारका सदस्य हतार हतार घटनास्थल पुगेर उनको शव देखे। तत्कालै भूतनी थानाको पुलिस आएर शवलाई आफ्नो नियन्त्रणमा लिएर पोस्टमार्टमको लागि मालदा मेडिकल कलेज र अस्पतालमा पठायो। पुलिस यस बारेमा जाँच शुरु गरेक्लो छ। घटनापछि गाउँ साथै परिवारमा शोक छाएको छ।