सेण्ट जोन्स: ईंग्ल्याण्डविरुद्ध आउँदो टी२० सीरीजको पहिलो दुईवटा म्याचको निम्ति क्रिकेट वेष्ट इण्डिजले १५ सदस्यीय टीमको घोषणा गऱ्यो। वेष्ट इण्डिजको टी२० टीम घरेलु मैदानमा एउटा प्रभावशाली ताकत रहेको छ अनि २०२३ देखि अहिलेसम्म चारवटा टी२० अन्तर्राष्ट्रिय सीरीजमा अजेय रहेको छ। मुख्य प्रशिक्षक डेरेन सेमीले भने, टी२० टीम हाम्रो सबैभन्दा व्यवस्थित टीम हो। यसमा धेरैजना अनुभवी खेलाड़ी रहेका छन्। यसैकारण अन्तिम एकादशको चयन गर्नु मुश्किल हुनेछ कारण प्रत्येक खेलाड़ीले अन्तिम एकादशमा स्थान बनाउन चुनौती पेश गरिरहेका छन्। ईंग्ल्याण्ड जस्तो असल टीमविरुद्ध मलाई चयन गरिएको टीमले उत्कृष्ट प्रदर्शन गर्ने आशा छ। हामी प्रत्येक म्याच र सीरीज जित्न चाहन्छौं। व्यक्तिगत कारणहरूले गर्दा श्रीलंका यात्राबाट चुक्ने अकील होसेन, शिमरोन हेटमायर, निकोलस पूरन र आन्द्रे रसेल फेरि टीममा सामेल भएका छन्। यसले टीमको गहिराई र अनुभव बढ़ेको छ। पाँचवटा टी२० म्याचको सीरीजअन्तर्गत पहिलो दुईवटा म्याच ९ र १० नोभेम्बरमा बारबाडोसमा खेलिनेछ। त्यसपछि रहल तीनवटा म्याच १४, १६ र १७ नोभेम्बरमा सेण्ट लूसियाको डेरेन सेमी नेशनल क्रिकेट स्टेडियममा हुनेछ।
वेष्ट इण्डिजको टी२० टीम यसप्रकार छः
रोवम्यान पावेल (कप्तान), रोस्टन चेस, म्याथ्यू फोर्ड, शमर जोसेफ, ब्रेण्डन किंग, एविन लुईस, गुडाकेश मोती, निकोलस पूरन, आन्द्रे रसेल, शेरफेन रदरफोर्ड, रोमारियो शेफर्ड, शिमरोन हेटमायर, टेरेन्स हिण्ड्स, शाई होप, अकील होसेन