राजगञ्ज: छठ पूजाका लागि विभिन्न नदीघाटमा घाट निर्माणको तयारी अन्तिम चरणमा पुगेको छ। सिलगढी नजिकैको फुलबारीको महानन्द ब्यारेज र राजगञ्जको बिन्नागुडी ग्राम पञ्चायतअन्तर्गत कृष्णनगर कालोनीमा रहेको शाहु नदी घाटमा आज बिहानैदेखि घाट निर्माणको तयारी भइरहेको छ। छठघाटको तयारी बिहानैदेखि सुरु भएको आयोजकले बताए। केराको रुख र फूलले छठघाट सजाइएको छ। हामीले ग्राम पञ्चायत र प्रशासनबाट पूर्ण सहयोग पाइरहेका छौँ। आज साँझ र भोलि बिहान छठवर्ती नदीघाटमा आएर छठ पूजा गर्ने छन्।