केनबरा: विकेटकीपर-ब्याटर जोश ईंग्लिशले तेस्रो तथा अन्तिम वनडे-को साथमा पाकिस्तानविरुद्ध ३ वटा म्याचको टी२० सीरीजमा पनि अष्ट्रेलियाई टीमको कप्तानी गर्नेछन्। टी२० सीरीज १४-१८ नोभेम्बरबीच ब्रिसबेन, सिडनी र होबार्टमा खेलिनेछ। फर्ममा रहने ईंग्लिशलाई कप्तानीको निम्ति अनुभवी ग्लेन म्याक्सवेल र मार्कस स्टोइनिसको बद्ली चयन गरिएको छ। ईंग्लिशले पाकिस्तानविरुद्ध तेस्रो तथा अन्तिम वनडे म्याचमा पनि कप्तानी गर्नेछन्। नियमित कप्तान प्याट कमिन्ससहित अष्ट्रेलियाका अन्य सीनियर खेलाड़ीहरूले भारतविरुद्ध आउँदो टेस्ट सीरीजको तयारीहरूलाई प्राथमिकता दिएका छन्। ईंग्लिशले गत वर्ष भारतमा अष्ट्रेलियाको आईसीसी पुरुष वनडे वर्ल्ड कपमा सफल अभियानमा महत्त्वपूर्ण भूमिका निर्वाह गरेका थिए। अहिले म्याथ्यू वेडले सन्न्यास लिएपछि उनले खेलको तीनैवटा प्रारूपमा विकेटकीपिंग गर्ने तय छ। चयन समितिका अध्यक्ष जर्ज बेलीले भने, जोश वनडे र टी२० इण्टरनेशनल टीमको अभिन्न हिस्सा हुन्। उनी मैदान भित्र अनि बाहिर सम्मानित खेलाड़ी हुन्। उनले पहिला पनि अष्ट्रेलिया ए टीमको कप्तानी गरेका थिए। उनले यस भूमिकामा मजबूत सामरिक कौशल र सकारात्मक दृष्टिकोण ल्याउनेछन्। यसबाहेक टीममा उनलाई म्याट शर्ट र एडम जाम्पाको साथमा म्याक्सवेल र स्टोइनिस जस्ता वरिष्ठ खेलाड़ीहरूका असल समर्थन प्राप्त हुनेछ। उल्लेखनीय छ, टेस्ट कप्तान कमिन्सको साथमा टेस्ट क्रिकेटका स्टार खेलाड़ीहरू मिचेल स्टार्क, जोश हेजलवुड, मार्नस लाबुशेन र स्टीव स्मिथ पाकिस्तानविरुद्ध जारी वनडे सीरीजको अन्तिम म्याचबाट बाहिर भएका छन्। अष्ट्रेलियाले एमसीजी-मा खेलिएको पहिलो वनडे म्याचमा २ विकेटले जीत हासिल गरेको थियो। रहल दुईवटा वनडे ८ र १० नोभेम्बरमा खेलिनेछ।
पाकिस्तानविरुद्ध टी२० सीरीजको निम्ति अष्ट्रेलियाई टीमः
जोश ईंग्लिश (कप्तान), सीन एबट, जेवियर बार्टलेट, कूपर कोनोली, टिम डेविड, नाथन एलिस, जेक फ्रेजर-म्याकगर्क, आरोन हार्डी, स्पेन्सर जनसन, ग्लेन म्याक्सवेल, म्याथ्यू शर्ट, मार्कस स्टोइनिस र एडम जाम्पा