सिलगढी: हरेक पटक जस्तै यस पटक पनि सिलगढीको पुरानो मतिगढामा अलिङगनको तर्फबाट जगद्धात्री पूजाको आयोजना गरेको छ। यस वर्ष यो पूजा १५औं वर्षमा प्रवेश गर्दैछ। आयोजकले मंगलबार पत्रकार सम्मेलन गरी सो जानकारी दिएको हो।  पत्रकार सम्मेलनमा जगद्धात्री पूजा समितिका अध्यक्ष सुब्रत चक्रवर्ती, सचिव स्वपन गुहा नियोगी, सांस्कृतिक सचिव तनुजकुमार डेलगायत संस्थाका पदाधिकारीहरुको उपस्थिति रहेको थियो। सिलगढीका मेयर गौतम देवले भोलि यस पूजा उद्घाटन गर्नेछन्। यस अवसरमा आईआरएसएमईका वरिष्ठ डिभिजनल मेकानिकल इन्जिनियर सुलभ विष्ट र ईएनएफ रेलवेका अन्य उच्च पदस्थ अधिकारीहरू पनि उपस्थित हुनेछन्। यस दिनको पत्रकार सम्मेलनमा आयोजकले यो पूजा सदाझैँ ठूलो मात्रामा गर्न लागिएको जानकारी दिएको छ। मुख्यतया मंडपको सजावट मायापुर इस्कन मन्दिरको पंक्तिमा गरिएको छ। यसबाहेक सिलगढीको कुम्हारटोलीबाट पनि मूर्ति ल्याइएको छ। साथै, प्रकाश आकर्षक छ। यो पूजामा कूल १० लाख रुपियाँ खर्च भइरहेको छ। यसका साथै पूजा अवधिमा साँस्कृतिक कार्यक्रम र सामाजिक कार्यक्रम समेत हुने छ। पूजामा आउने सबै भक्तजनका लागि विशेष मनोरञ्जनको पनि व्यवस्था गरिने छ।