दार्जीलिङ: घूम जोरबंग्लो युनाइटेड क्लबको तत्त्वावधानमा म्याराडोना मेमोरियल कप फूटबल टुर्नामेण्टको आयोजन गरिनेछ। घूम स्कूल ग्राउण्डमा हुने यस सेभेन ए साइड टुर्नामेण्टमा अंशग्रहण गर्न इच्छुक टीमहरूका निम्ति प्रवेश शुल्क ३००० रुपियाँ तोकिएको छ। टीमको नाम पञ्जीकरण गराउने अन्तिम मिति तेस्रो नोभेम्बर रहेको छ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा ५०००० रुपियाँको नगद पुरस्कार प्रदान गरिनेछ। सम्पर्क विवरण आयोजक समितिद्वारा जारी सर्कुलरमा उपलब्ध रहेको छ।