अलिपुरद्वार: काली पूजाको राति एक युवकलाई गोली हानेर हत्या गरेको घटना सार्वजनिक भएको छ। घटना बिहीबार राति अलिपुरद्वारको बक्सा वन क्षेत्रमा डिमा ब्रिज नजिकैको क्षेत्रमा भएको समाचार छ। अलिपुरद्वारका चार युवा पुजा हेरेर फर्कदै गर्दा दिमा ब्रिज नजिकै एक मोटरसाइकलमा बदमाशहरूले बाटो रोकेका थिए। उनीहरूले चार जनाबाट चारवटा मोबाइल र एउटा मोटरसाइकल खोसे। त्यसको विरोध गर्दा एक युवकले उनको खुट्टामा गोली हाने। घाइते युवक अनिश देव अलीपुरद्वारको बीरपाडा क्षेत्रका निवासी हुन्। चिच्याएपछि केही स्थानीयले युवकलाई अलिपुरद्वार जिल्ला अस्पतालमा भर्ना गरे। उनको उपचार भइरहेको छ। काल्चिनी पुलिसले अनुसन्धान शुरु गरेको छ। अस्पताल स्रोतका अनुसार घाइते युवकको खुट्टामा गोली लागेको छ। उनको आजै शल्यक्रिया गरिने भएको छ। अलिपुरद्वारका बासिन्दाहरू यस्ता घटनाबाट चिन्तित रहेको कालचिनी थानाका ओसी गौरव हंस्दाले भने कि काली पूजाको राति दुई केटा र दुई केटी दिमा ब्रिज अगाडि आएका थिए जब केही व्यक्तिहरूले उनीहरूलाई लुट्ने नियतले धम्की दिए। विरोध गर्दा एकजनाको खुट्टामा गोली लाग्यो। हाल घाइते युवक अलिपुरद्वार जिल्ला अस्पतालमा भर्ना छन्। सम्पूर्ण घटनाको पुलिसले अनुसन्धान गरिरहेको उनले बताए।