कोलकाता: अक्टोबर महिनाभरि प्रत्येक वर्ष स्तन क्यान्सरको सचेतनाको लागि स्मरण ब्रेस्ट क्यान्सर सचेतना महिना एउटा विश्वव्यापी स्वास्थ्य कार्यक्रम हो, जसलाई विगत ३७ वर्षदेखि मनाइँदै आएको छ। स्तन क्यान्सरको घटना घटाउन र स्तन क्यान्सरको प्रारम्भिक निदानको आवश्यकता, यसको उपचार, तथा रोगबाट बच्न रोकथामका उपायहरूको जानकारी फैलाउने उद्देश्यले हरेक वर्ष रूबी जेनरल अस्पताल, रूबी क्यान्सर सेन्टर, र रूबी क्यान्सर केयर एण्ड रिसर्च फाउन्डेसनले सहकार्य गर्दै आएका छन्। भारतमा प्रति १,००,००० महिलामध्ये २५.८ महिलाहरूमा स्तन क्यान्सर पाइएको छ भने मृत्युदर १२.७ प्रति १,००,००० महिलामा रहेको छ, जसका कारण यो भारतीय महिलाहरूमा सबैभन्दा बढी देखा पर्ने क्यान्सर बनेको छ। २०२० मा अपेक्षित २.३ मिलियन नयाँ घटनाहरू (कुल क्यान्सर घटनाको ११.७%) सहित यो विश्वभरि क्यान्सर घटनाहरूको प्रमुख कारण बनेको छ। सन् १९६५ देखि १९८५ सम्म भारतमा स्तन क्यान्सरको घटनामा लगभग ५० प्रतिशत वृद्धि भएको थियो। माथिका तथ्यांकहरू स्तन क्यान्सरको मृत्युदर र घटनाको जटिल वृद्धि दरलाई बुझ्न पर्याप्त छन्। छिट्टै नै यो कसैको पनि जीवनको हिस्सा बन्न सक्छ।
यस वर्ष, रूबी जेनरल अस्पतालले स्तन क्यान्सर सचेतना सम्बन्धी एक पत्रकार सम्मेलन बुधबार, ३० अक्टोबर २०२४ मा अस्पतालमा आयोजना गर्यो, जसमा हालै मात्र रूबी क्यान्सर सेन्टरमा उपचार गराइएको १७ वर्षका एक अन्तर्राष्ट्रिय बिरामीको एक अनौठो सफलताको कथा प्रस्तुत गर्यो, जो चाँडै नै आफ्नो देश फर्कन लागेका छन्। बिरामी र परिवार पनि पत्रकार सम्मेलनमा उपस्थित भएका थिए।
पत्रकार सम्मेलनको उद्घाटन डा सुदेशना लाहिरी, डिप्टी मेडिकल डाइरेक्टरद्वारा गरिएको थियो, जसले स्तन क्यान्सर सचेतना महिनाको महत्त्वबारे चर्चा गरिन्। त्यसपछि, डा पार्थ मुखोपाध्याय, एचओडी रेडियोथेरापी र अङ्कोलोजीले स्तन क्यान्सर सचेतनाको आवश्यकतामा जोड दिँदै रेडियोथेरापीमा स्तन क्यान्सर उपचारका प्रविधिगत प्रगतिबारे चर्चा गरे। वरिष्ठ मेडिकल अङ्कोलोजिस्ट डा सुदीप्त बन्द्योपाध्यायले स्तन क्यान्सर उपचारको लागि प्रारम्भिक पहिचान र मेडिकल अङ्कोलोजीमा भएका प्रगतिहरूको महत्त्वबारे जोड दिए भने अर्कोतर्फ, रेडियशन अङ्कोलोजिस्ट डा सन्दीप सरकारले पुरुष जनसंख्यामा बढ्दो स्तन क्यान्सरको घटनाबारे सबैलाई जानकारी गराए। त्यसपछि, डा अभिजित पल, मेडिकल डाइरेक्टरले स्तन क्यान्सरको रोकथाम र उपचारको पहुँच सुधारका लागि दुई अत्यन्त महत्त्वपूर्ण घोषणाहरू गरे। पहिलो घोषणा रूबी जनरल अस्पतालमा आजीवन निःशुल्क स्तन क्यान्सर स्क्रिनिङ क्लिनिक (हप्तामा सातै दिन) स्थापना गर्ने बारेमा थियो र यस क्लिनिकमा प्रत्येक महिनाका पहिलो ५० जना बिरामीहरूलाई, डाक्टरको सल्लाहमा निःशुल्क म्यामोग्राम सुविधा उपलब्ध गराइनेछ। त्यसपछि, शल्य चिकित्सक डा ओइन्द्रिला विश्वासले स्तन क्यान्सर रोकथामका केही उपायहरू र उपचारमा शल्यक्रियाको भूमिकाबारे जानकारी दिइन्। साथै, उनले बंगलादेशका एक १७ वर्षीय युवकको एउटा विशेष केस प्रस्तुत गरिन्, जसलाई देब्रे माथिल्लो ह्यूमरसको ओस्टियोसार्कोमा (हड्डी क्यान्सरको एक प्रकार) भएको थियो। युवकलाई आफ्नै देशमा र चेन्नईमा हात काट्ने सल्लाह दिइएको थियो। कोलकाता उनीहरूको अन्तिम आशा भएकोले उनीहरू यहाँ आए। सम्पूर्ण जाँच र रूबी क्यान्सर सेन्टरमा ट्युमर बोर्डको समीक्षा पछि, अंग बचाउने शल्यक्रिया (लिम्ब साल्भेज सर्जरी-एलएसएस) र विस्तार गर्न मिल्ने युनिपोलर कस्टम बनाइएको टाइटानियम मेगाप्रोस्थेसिस पुनर्निर्माण गर्ने योजना बनाइएको थियो। शल्यक्रिया १४ अक्टोबर २०२४ मा सम्पन्न भयो। दोस्रो पोस्ट-अपरेटिभ दिनदेखि नै पुनर्स्थापना प्रक्रिया शुरु गरियो र सातौं पोस्ट-अपरेटिभ दिनमा बिरामीलाई हात र पञ्जाको कार्यक्षमता जोगाएर डिस्चार्ज गरियो। बिरामी र उनको परिवार उपस्थित थिए र उनीहरूले आफ्नो अनुभव र कृतज्ञता व्यक्त गरे। ख्यातिप्राप्त चलचित्र निर्देशक, अभिनेत्री, र लेखक सुदेशना रोय पनि उपस्थित थिइन् र उनले स्तन क्यान्सर सचेतनाका विषयमा आफ्ना विचारहरू राखिन्। त्यस्तै, धेरैजना क्यान्सरबाट बचेका व्यक्तिहरू पनि उपस्थित थिए र उनीहरूले आफ्नो अनुभव साझा गरे, जसले यस जीवनशैली रोगलाई हराउन तीन महत्त्वपूर्ण सन्देशहरू फैलाउन प्रेरणा प्रदान गर्यो:
- १. अहिलेका दिनमा स्तन क्यान्सर धेरै सामान्य छ, त्यसैले सतर्क रहनुहोस्। यो कसैलाई पनि हुनसक्छ।
- २. यदि प्रारम्भिक चरणमा पत्ता लागेमा स्तन क्यान्सर पूर्ण रूपमा निको हुनसक्छ।
- ३. नियमित रूपमा आत्म-परीक्षण गर्ने र ४० वर्षपछि वार्षिक स्तन क्यान्सर स्क्रिनिङ म्यामोग्राम जस्ता साधारण कुराले प्रारम्भिक पहिचानमा सहयोग पुर्याउन सक्छ। यसबारेमा रुबी जेनरल अस्पतालका चीफ जेनरल म्यानेजर ओपरेसन्स सुभाशिष दत्तले एक प्रेस विज्ञप्ति जारी गरेर बताएका छन्l
About Author
