सिलगढी: कार्तिक महिनाको शुक्लपक्षको त्रयोदशी तिथिमा धनतेरस मनाइन्छ। दीपावलीको दुई दिन अगाडि, धनत्रयोदशी वा धन्वन्तरी-त्रयोदशी छोटकरीमा धनतेरस हो। यो पर्व वास्तवमा दीपावली उत्सवको शुरुवात हो जुन लगभग ५ दिनसम्म चल्छ। यस दिन समुद्र मन्थनको फलस्वरूप भगवान कुबेर प्रकट भएको हुनाले धनतेरसको दिन भगवान कुबेरको पूजा गरिन्छ। अमृतको खोजीमा समुद्र मन्थनका क्रममा भगवान धन्वन्तरी प्रकट भएकाले धनतेरसको दिन उनको पूजा गरिन्छ। यसका साथै धनतेरसको दिन पनि धेरैले लक्ष्मी गणेशको पूजा गर्छन्। त्यसैगरी मंगलबार बिहानैदेखि सिलगढीका विभिन्न बजारमा लक्ष्मी गणेशको साना मूर्ति सजाएर व्यापारीहरु बसेका थिए। विशेष गरी कोलकाताबाट, विभिन्न आकार र विभिन्न शिल्पकलाले बनाइएका यी मूर्तिकलाहरूले शहरवासीहरूको ध्यान खिचे। भाउ सस्तो भए पनि यस वर्ष खासै बिक्री नभएको बिक्रेताहरू बताउँछन्। जसका कारण यो वर्ष बिक्रेताले घाटा बेहोर्नुपरेको छ।