सिलगढ़ी: कोलकाताको आरजी कर अस्पतालमा भएको घटनापछि राज्यका सबै मेडिकल कलेज अस्पतालहरूमा सुरक्षा व्यवस्था निकै कडा बनाइएको छ। यसका लागि उत्तर बंगाल मेडिकल कलेज अस्पतालमा सुरक्षा व्यवस्था कडा बनाइएको छ। सुरक्षाकर्मीको संख्या बढाइने र उच्च सुरक्षा ढोकाहरू जडान गरिनेछ। डाक्टरहरूको सुरक्षालाई ध्यानमा राख्दै, उत्तर बंगाल मेडिकल कलेज र अस्पतालमा नयाँ ‘हाई सेक्युरिटी डोर’ जडान गरिएको छ। पहिलो चरणमा २८ नयाँ अत्याधुनिक सुरक्षा ढोका जडान भइरहेका छन्। विभिन्न विभागका चिकित्सकका लागि तोकिएको कोठामा यो ‘हाई सेक्युरिटी डोर’ जडान गरिनेछ। ढोकाबाहिर ‘फिंगर प्रिन्ट मेसिन’ रहनेछ जसमा पहिले सम्बन्धित विभागका चिकित्सकको औंठाछाप हुनेछ। वेबेल कम्पनीका अधिकारीहरूले यस विषयमा उत्तर बंगाल मेडिकल कलेज एवं अस्पतालको भ्रमण गरी अनुसन्धान गरिसकेका छन्। छिट्टै काम शुरु हुनेछ। यसका साथै क्याम्पस र अस्पताल परिसरमा ४१ वटा सीसीटीभी क्यामेरा जडान गर्ने निर्णय पनि गरिएको छ। समग्र सुरक्षा व्यवस्थामा व्यापक परिवर्तन गर्ने योजना छ। उत्तर बंगाल  मेडिकल कलेज र अस्पतालका सुपरिटेन्डेन्ट सञ्जय मल्लिकाले भने, “हाम्रो मेडिकल कलेजमा पहिलो चरणमा २८ ‘हाइ सेक्युरिटी डोर’ जडान गर्ने प्रक्रिया शुरु भएको छ। धेरै सुरक्षा उपायहरू पनि अपनाइएको छ।‘’