सिलगढी: चामल बोकेको ट्रकमा परेवा तस्करी भइरहेको थियो। पुलिसले गाडीहरूको तलासी गरिरहेको थियो। त्यही क्रममा एउटा ट्रकमा चामल भरिएको र त्यसमाथि केही बोरा राखिएको देखेपछि त्यसमा परेवा भेटियो। पुलिसले तत्कालै ट्रकमा बसेका दुई युवालाई नियन्त्रणमा लियो। पुलिसले  सोधपुछका क्रममा दुई युवकले करंदीघीबाट सिलगढीसम्म ६ वटा बोरामा सयौं परेवा ल्याएको बताए। यसपछि नयाँ जलपाईगढी थानामा ड्युटीमा रहेका पुलिसहरूले ट्रकसहित परेवालाई पुलिस चौकीमा ल्याए। दुई युवा पक्राउ परेका छन्।

पक्राउ पर्नेमा मोहम्मद फिरदौस र अख्तर हुसेन रहेका छन्। न्यू जलपाईगढी थानाको पुलिसले वन विभागलाई जानकारी गरायो। खबर पाएलगत्तै डबग्राम वन विभागका कर्मचारीहरु घटनास्थलमा पुगे। न्यू जलपाईगढी थानाको पुलिसले सयौं परेवा बरामद गरेर दुई अभियुक्तलाई वन विभागका कर्मचारीहरूलाई बुझायो। पक्राउ परेकाहरुलाई सोधपुछ गरी विस्तृत विवरण संकलन गरी अनुसन्धान जारी रहने वन विभाग स्रोतले जनाएको छ।