सिलगढी: केन्द्रीय राजस्व गुप्तचर विभाग (डीआरआई) ले छापा मारेर दुई करोडको सुनको बिस्कुट तस्करी गर्दागर्दै अर्को राज्यका एक युवकलाई पक्राउ गरेको छ। पक्रा परेका  युवाले सरकारी बसमा आफ्नो ट्राउजरको गोजीमा सुनको बिस्कुट लुकाएर ठूलो परिमाणमा सुन तस्करी गर्ने योजना बनाएको समाचार छ। राष्ट्रिय राजमार्ग नम्बर २७ मा गोप्य सूचना पाएपछि डीआरआईको सिलगढी शाखाले सिलगढी नजिकैको जलपाईगढी जिल्लाको हुस्लुडांगा टोल प्लाजा नजिक छापा मारेर सफलता हासिल गर्यो। डीआरआई स्रोतका अनुसार पक्राउ परेका युवकको नाम गौरव साह (१९)  बताइएको छ। पक्राउ परेका व्यक्ति आसामको धुबरीका बासिन्दा रहेको बताइएको छ। उनको साथबाट सुनको १९ वटा बिस्कुट बरामद भएको छ। जसको कुल तौल २ किलो २१५ ग्राम र बजार मूल्य १ करोड ७२ लाख ५८ हजार रुपियाँ छ।