मुम्बई: सीनियर पुरुष चयन समितिले आइतवार न्यूजील्याण्डविरुद्ध टेस्ट सीरीजको रहल दुईवटा म्याचको निम्ति अलराउण्डर वाशिंगटन सुन्दरलाई भारतीय टीममा सामेल गऱ्यो। अहिले उनी रणजी ट्रफीको म्याचमा तमिलनाडुको तर्फबाट दिल्लीविरुद्ध खेलिरहेका छन्। आइतवार उनले म्याचको पहिलो ईनिंग्समा १५२ रन बनाउनको साथै २ विकेट पनि लिए। भारतीय क्रिकेट कण्ट्रोल बोर्ड (बीसीसीआई)-ले एउटा विज्ञप्तिमा बताएअनुसार, सुन्दर दोस्रो टेस्ट म्याच अघि पुणे गएर टीममा सामेल हुनेछन्। यस सालको शुरुवातमा बंग्लादेशविरुद्ध टी२० सीरीजको हिस्सा रहने २५ वर्षीय सुन्दरले २०२१-मा अष्ट्रेलियामा भएको बोर्डर-गावस्कर ट्रफीको माध्यमले टेस्ट क्रिकेटमा पदार्पण गरेका थिए। उनले यस साल अहमदाबाद टेस्ट म्याचमा ईंग्ल्याण्डविरुद्ध खेलेका थिए। सुन्दरले अहिलेसम्म ४ वटा टेस्ट म्याच खेलेर २६५ रन बनाउनको साथै ६ विकेट पनि लिएका छन्। न्यूजील्याण्डविरुद्ध ३ वटा टेस्ट म्याचको सीरीजमा भारत अहिले ०-१-ले पछि रहेको छ। बेंगलुरुमा खेलिएको पहिलो टेस्टमा भारत ८ विकेटले पराजित भएको थियो। पहिलो टेस्टमा भारतले रविचन्द्रन अश्विन, रविन्द्र जडेजा र कुलदीप यादवको रूपमा ३ जना स्पिनर खेलाएको थियो। अब सुन्दरले टीममा यी ३ जनामा एकको स्थान लिने सम्भावना छ।