नयाँ दिल्ली: केन्द्रिय महिला एवं बाल विकास मन्त्रालयले विजया राहटकरलाई ऱाष्ट्रिय महिला आय़ोगको अध्यक्ष नियुक्त गरेको छ। उनी वर्ष २०१६ देखि २०२१ सम्म राज्य महिला आय़ोगको पनि अध्यक्ष रहेकी छन्।मन्त्रालयको तर्फबाट शुक्रवार जारी नोटिफिकेशन अनुसार, रहाटकरलाई यस पदमा तीन वर्ष वा ६५ वर्षको आय़ुसम्म (जुन पहिला हुन्छ) नियुक्त गरिएको छ। उनी आयोगको ९औं अध्यक्ष हुनेछिन्। रहाटकर भाजपा महिला मोर्चाको अध्यक्ष रहेकी छन्। महाराष्ट्र महिला आयोगमा आफ्नो कार्य़कालमा उनले सक्षमा (एसिड अटेक पीड़िताहरूका लागि सहायता), प्रज्ज्वला (स्वयं सहायता समूहहरूलाई केन्द्र सरकारको योजनाहरूसित जोड्नु) र सुहिता (महिलाहरूका लागि २४x७हेल्पलाइन सेवा) को शुरुआत गरेकी थिइन्। उनले पोक्सो एक्ट, तीन तलाक विरोधी सेल र मानव तस्करी विरोधी एकाईहरू जस्ता मुद्दाहरूमाथि ध्यान केन्द्रित गर्दै कानूनी सुधारहरूमाथि पनि काम गरिन्। उनले डिजिटल साक्षरता कार्यक्रम शुरू गरिन् औं महिलाहरूको मुद्दाहरूलाई समर्पित साद नाम गरेको एक प्रकाशन शुरू गरिन्। वर्ष २००७ देखि २०१० सम्म छत्रपति सम्भाजीनगरको मेयरको रूपमा उनले स्वास्थ्य देखरेख र बुनियादी ढांचासित सम्बन्धित महत्वपूर्ण विकासात्मक परियोजनाहरू लागू गरिन्। उनले धेरै पुस्तकहरू लेखेकी छन्, जसमा ‘विधिलिखित’ (महिलाहरूको कानूनी मुद्दाहरू) र ‘औरंगाबाद: लीडिङ टू वाइड रोड्स’ सामेल छ। महिला सशक्तीकरणमा उनको योगदानले उनलाई पहिचान दिलाएको छ, जसमा राष्ट्रिय कानून पुरस्कार र राष्ट्रिय साहित्यिक परिषदबाट सावित्रीबाई फुले पुरस्कार सामेल छ।