जलपाईगढी: पश्चिम बंगालमा महिला उत्पीडन रोकिएको छैन। यस्ता दु:खद र लज्जास्पद घटनाहरु एकपछि अर्को गर्दै आइरहेको छ। बुधबार राति जताततै लक्ष्मीको पूजा आराधना भइरहेको बेला सोही घरमा लक्ष्मीलाई लुटाएर कुटपिट गरेको आरोप छ। भाजपा पञ्चायत क्षेत्रमा तृणमूल पार्टीमा सामेल भएको आरोपमा भाजपाका समर्थकहरुले घरकी लक्ष्मीलाई निकालेर कुटपिट गरेको आरोप लगाइएको छ। यो सनसनीपूर्ण घटना लक्ष्मी पूजाको रातको हो। भाजपाका समर्थकहरुले लक्ष्मीलाई घरबाट निकालेर कुटपिट गरेको र लुटपाट गरेको यो घटनापछि जलपाईगुडी सदर ब्लकको बहादुर कालोनी क्षेत्रमा चर्काचर्की फैलिएको छ। घटनाको समयमा महिलाकी श्रीमान् विनयकृष्ण मण्डल घरमा थिएनन्। उनकी श्रीमती सीमा मण्डलले लक्ष्मी पूजा आयोजना गरिरहेकी थिइन्। सोही समयमा भाजपाका केही बदमाशहरू घरभित्र पसेर हमला गरेको आरोप छ।

सीमा मण्डललाई निकालेर कुटपिट गरेको आरोप छ। समर्थकहरुले भने कि यदि उनीहरू यस क्षेत्रमा बस्न चाहन्छन् भने भाजपा पार्टीमा जानुपर्छ। उनको चिच्याहट सुनेर छेउछाउका मानिसहरू भेला भए र घाइते महिलालाई जलपाईगढी मेडिकल कलेज अस्पतालअन्तर्गत सुपर स्पेशलिटी अस्पतालमा भर्ना गरियो। खबर पाएलगत्तै ठूलो संख्यामा पुलिस घटनास्थल पुगेको थियो। पीडित परिवारले घटनाबारे न्यायको माग गर्दै पुलिस  चौकी पुगेका छन्। यस घटनापछि स्थानीय मानिसहरूले यस्तो क्रूरताको विरुद्ध न्यायको माग गर्न सडकमा ओर्लिए। घटनाको जानकारी पछी स्थानीय तृणमूल नेतृत्व महिलाको साथमा खादा भएका छन्। बहादुर ग्राम पंचायतका भाजपा अध्यक्ष अमित दास भने, ‘आरोप पूर्ण रुपमा ,झुटा हो। यो सम्पूर्ण घटना तृणमूलको षड्यन्त्र हो।‘ यो परिवारले लागुऔषध बेच्ने गरेको उनको आरोप छ। उक्त क्षेत्रका केही व्यक्तिले विरोध जनाएको उनले बताएका छन्।