गुवाहाटी:: स्पेशल टास्क फोर्स (एसटीएफ) असमको टीमले गुवाहाटीको जोराबाट इलाकाबाट गुप्त सूचनाको आधारमा अभियान चलाएर करोड़ौं रपियाँको मादक पदार्थ जफ्त गरेको छ। यस सम्बन्धमा मादक पदार्थ तस्करीमा लिप्त एक ट्रक ड्राइभरलाई पनि पक्राउ गरिएको छ।
असम पुलिस मुख्यालयद्वारा जारी बयानमा बताइएको छ, नागाल्याण्डदेखि गुवाहाटीसम्म एउटा ट्रक (एएस-०१ आरसी-२३३६)- को मध्यमबाट मादक पदार्थ ल्याइरहेको पुख्ता सूचना प्राप्त भएको थियो। सूचना पाए लगत्तै एसटीएफको टीमले गुवाहाटीको वशिष्ठ थानान्तर्गत जोराबाट पुलिस चौकी क्षेत्रमा नर्थ-ईस्ट क्यान्सर अस्पताल सामु आज बिहान ट्रकलाई रोकेर जाँच गऱ्यो। यस अवधि प्लास्टिकका ४५ वटा स-साना साबुनदानीमा राखिएको कभर बिनाको ५३७.२ ग्राम ब्राउन शुगर भेटियो जसलाई ट्रकमुनि अत्यन्त चतुराईपूर्वक लुकाएर राखिएको थियो। यस मामिलामा ट्रक चालकलाई पक्राउ गरिएको छ जसको पहिचान बरपेटा जिल्लाको बामुनकुची गाउँका रनन्जय मण्डल (४६)-को रूपमा गरिएको छ। एसटीएफले अग्रिम कानूनी कारबाहीको लागि तस्कर र ड्रग्सलाई वशिष्ठ पुलिसलाई सुम्पिदिएको छ।