इटालीका टोमासो फारिनम र स्पेनका एड्रियन लाफुएन्टेनामका दुई साथीले विश्वका धेरै देश घुम्ने तर यसका लागि कुनै पनि उडानमा नचढ्ने निर्णय गरे। १५ महिनाको यो यात्रामा उनीहरूले २७ देशको भ्रमण पनि गरे। उनीहरुको उद्देश्य यो यात्राले पर्यावरणमा कुनै हानि नहोस् भन्ने थियो। यसका लागि फरिनाम र लाफुएन्टेले उडानको सट्टा डुङ्गा र पर्यावरणमैत्री साधन प्रयोग गरेका थिए। यो यात्रामा उनीहरूले प्रतिव्यक्ति करिब ११ लाख रुपियाँ खर्च गरे। अटलान्टिक महासागर पार गर्ने निर्णय गर्दा उनीहरूका परिवार चिन्तित थिए। उनीहरूका अनुसार पनामाको खाडीमा शुरुका १० दिन निकै कठिन थिए। उनीहरू भन्छन्, ‘हामीले कडा हावा, आँधी र ठूला छालहरूको सामना गर्नुपर्थ्यो। यो सुरुमा डरलाग्दो थियो, हामी डुब्न पनि सक्थ्यौं।‘ यी चुनौतीहरूको बावजुद दुवैले आफ्नो उद्देश्यप्रति आफ्नो प्रतिबद्धता कायम राखे। अष्ट्रेलिया पुग्ने आशा लिएर प्रशान्त महासागरको यात्रा जारी राखे। यस क्रममा उनीहरु विभिन्न टापुमा बसेका छन्। उनीहरू भन्छन्, ‘जब हामीले पहिलो पटक हाम्रा साथीहरू र परिवारलाई कुनै अनुभव बिना नै डुङ्गामा एट्लान्टिक पार गर्छौं भन्यौं उनीहरू अलि चिन्तित भए।‘ उनीहरूले मोनोहल डुङ्गामा प्रशान्त महासागर पार गरेका थिए।