बेंगलुरु: भारतीय महिला हकी टीमकी कप्तान सलीमा टेटेले आउँदो हकी इण्डिया लीग (एचआईएल)-ले युवा खेलाड़ीहरूका करियरलाई आकार दिने अनि राष्ट्रिय टीमको निम्ति मजबूत बेञ्च स्ट्रेन्थ तयार गर्नमा सहायता गर्ने दावी गरिन्। एचआईएल ७ सालको ब्रेकपछि फर्किरहेको छ अनि प्रतियोगिता यस सालको अन्तमा शुरु हुनेछ । नयाँ स्वरूपमा एचआईएल-मा महिलाहरूकी अलग लीग पहिलोपल्ट आयोजन गरिनेछ, जुन पुरुष लीगको साथ-साथ चल्नेछ। यो लीग २८ दिसम्बरदेखि एक फरवरीसम्म दुईवटा आयोजन स्थल राँची (महिला) र राउरकेला (पुरुष)-मा खेलिनेछ। पुरुषहरूका प्रतियोगितामा ८ वटा अनि महिलाहरूकी प्रतियोगितामा ६ वटा टीमले हिस्सा लिनेछ। सलीमाले भनिन्, म एचआईएल- लाई लिएर उत्साहित छु। यो ७ सालपछि पुनः शुरु हुन गइरहेको छ अनि यसपाली महिला लीग पनि हुनेछ। पूरा टीमले गत केही समयदेखि यसबारे चर्चा गरिरहेको छ। यो हाम्रो निम्ति असल अवसर हुनेछ। हामीलाई अलग-अलग देशकी खेलाड़ीहरूसँग भेट गर्ने, उनीहरूसँग अनि उनीहरू विरुद्ध खेलेर आफ्नो कौशललाई बढ़ाउने अवसर प्राप्त हुनेछ। लीगको निम्ति खेलाड़ीहरूका लिलामी १३-देखि १५ अक्टोबरसम्म हुनेछ। प्रत्येक फ्रेञ्चाइजीले २४ जना खेलाड़ीहरूका टीम बनाउनु पर्नेछ, जसमा कम्तीमा १६ जना भारतीय (चारजना जूनियर खेलाड़ी अनिवार्य) र आठजना इण्टरनेशनल खेलाड़ी सामेल हुनेछन्। सलीमाले भनिन्, यस प्रतियोगिताको माध्यमले युवा खेलाड़ीहरूलाई भारतीय र विदेशी खेलाड़ीहरूका साथमा रहेर खेललाई असल तरिकाले बुझ्ने मौका प्राप्त हुनेछ। करियरको शुरुवातमै दबाउको पेशादार माहोलमा खेल्दा उनीहरूका खेल विकसित हुनेछ। समग्रमा यो भारतीय हकीको निम्ति वरदान साबित हुनसक्छ।