अबु धाबी: आयरल्याण्डले तेस्रो तथा अन्तिम वनडे इण्टरनेशनल क्रिकेट म्याचमा दक्षिण अफ्रिकालाई ६९ रनले पराजित गऱ्यो। तेस्रो म्याचमा हारको सम्मुखीन भए पनि दक्षिण अफ्रिकाले तीनवटा म्याचको वनडे सीरीज २-१-ले जित्यो। जायेद क्रिकेट स्टेडियममा टस जितेर पहिला ब्याटिंग गर्दै आयरल्याण्डले ५० ओभरमा ९ विकेट गुमाएर २८४ रन बनायो। जवाफमा दक्षिण अफ्रिकी टीम ४६.१ ओभरमा २१५ रन बनाएर अलआउट भयो। वनडे इण्टरनेशनल क्रिकेटमा दक्षिण अफ्रिकाविरुद्ध यो आयरल्याण्डको दोस्रो जीत हो। पहिला ब्याटिंग गर्दै आयरल्याण्डको टीम ओपनर पल स्टर्लिंग (८८ रन) र हेरी टेक्टर (६० रन)-को अर्द्धशतकको सहायताले मजबूत स्कोरसम्म पुग्यो। आयरल्याण्डलाई कप्तान स्टर्लिंग र एण्डी बालबिर्नीको ओपनिंग जोड़ीले असल शुरुवात दिलायो। यी दुईले २३.२ ओभरमा १०१ रनको पार्टनरशीप गरे। लिजाड विलियम्सले बालबिर्नीलाई आउट गरी पार्टनरशीप तोड़े, जसले ४५ रन बनाए। पहिलो विकेटको पतनपछि स्टर्लिंगले कर्टिस केम्फर (३४ रन)-सँग दोस्रो विकेटको निम्ति ५८ रन जोड़ेर टीमलाई असल स्थितिमा पुऱ्याए। आयरल्याण्डले पछिबाट केम्फर र स्टर्लिंगलाई लगातार अन्तरालमा गुमायो। स्टर्लिंगले ९२ बल खेलेर ८ वटा चौका र ३ वटा छक्का लगाए। त्यहाँबाट टेक्टरले जिम्मेवारीको साथ खेल्दै टीमलाई असल स्कोरसम्म पुऱ्याए। उनले लोरकान कटरसँग मिलेर चौथो विकेटको निम्ति ५४ रन जोड़ेर स्कोर २३३ पुऱ्याए। टकरले २६ रनको योगदान दिए। टेक्टर ईनिंग्सको अन्तिम ओभरमा आउट भए। उनले ४८ बल खेलेर ४ वटा चौका र एउटा छक्का लगाए। दक्षिण अफ्रिकी बलरहरूमा विलियम्सले सर्वाधिक ४ विकेट लिए। जवाफमा दक्षिण अफ्रिकाको शुरुवात खराब रह्यो अनि ७९ रनसम्म ५ विकेटको पतन भइसकेको थियो। त्यसपछि जेसन स्मिथले उत्कृष्ट ब्याटिंग गर्दै प्रयास गरे पनि दक्षिण अफ्रिकालाई हार्नबाट बचाउन सकेनन्। स्मिथले ९३ बल खेलेर ९ वटा चौका र ४ वटा छक्काको साथ ९१ रन बनाए। यसबाहेक काइल भेरेनेले ३८, एण्डिले फेहलुकवायोले २३ र ट्रिस्टन स्टब्सले २० रन बनाए। आयरल्याण्डका बलरहरूमा ग्राहम ह्युम र क्रेग यंगले ३-३ विकेट लिए।