जलपाईगढी: दुर्गा उत्सव शुरु भएको छ, र पण्डालहरूमा भीड लागेको छ। यसै सिलसिलामा आइतबार साँझ जलपाईगढी शहरमा अवस्थित ऐतिहासिक शिल्प समिति सार्वजनिक दुर्गा पूजा समितिको पूजाको उद्घाटन गरिएको थियो। जलपाईगढी रामकृष्ण मिशनका अध्यक्ष स्वामी शिवप्रेमानन्दजी महाराजले यसको उद्घाटन गरे। सो अवसरमा उनले भने, ‘माता दुर्गा चार दिनको लागि मात्र नभई वर्षभर हामीसँगै बसेर हामी सबैमा वास गर्नेछिन्। हामी सबैले वर्षभरी माता दुर्गालाई स्मरण गरौं, र गरिबहरूलाई सहयोग गरौं।‘ जलपाईगढी शहरको शिल्प समितिमा सार्वजनिक दुर्गा पूजा एक ऐतिहासिक पूजा हो, जुन १९३३ मा शुरु भएको थियो। यसका आयोजकहरूले विगत ९१ वर्षदेखि परम्परागत बंगाली रीतिथिति अनुसार आयोजना गर्दै आएका छन्। मण्डप सजाउनेदेखि माँमूर्तिको मूर्ति बनाउनेसम्म सबै पुरातन समयको जस्तै गरिँदै आएको छ। जसका कारण यो पूजा हेर्न टाढा टाढाबाट मानिसहरु आउने गर्दछन्।