गान्तोक: गान्तोक जिल्लाको महिला एवम् बाल विकास विभागको पहलमा आज तादोङस्थित बालिका निकेतनमा अन्तरराष्ट्रिय बालिका दिवसको अवसर पारेर एक अन्तरक्रियात्मक कार्यक्रम आयोजना गरियो।यस कार्यक्रमको उद्घाटन सामाजिक कल्याण विभागका प्रभारी अनुप शर्माले गरे।कार्यक्रमलाई सम्बोधन गर्दै सामाजिक न्याय एवम कल्याण विभागकी अधिकारी माइकला गुरूङले अन्तरराष्ट्रिय बालिका दिवस कार्यक्रमको महत्वबारे जानकारी गराइन्। उनले बेटी बचाओ, बेटी पढाओ (बीबीबीपी) पहलको महत्त्वलाई जोड दिँदै किशोरीहरूको शिक्षाको मूल्यलाई प्रकाश पारिन् भने लिंगको पर्वाह नगरी किशोरीहरूको आत्मबल बढाउन जोड दिए। उनले किशोरीहरू परिवार र राष्ट्र दुवैको भविष्य हुने र समृद्ध समाजका लागि उनीहरूको योगदान आवश्यक रहेको बताइन्। उनले किशोरीहरूको लागि सरसफाई र स्वास्थ्य समस्याबारेमा चेतना जगाउनु पर्ने बताइन्।
होस्टल वार्डन पेम डोमा लेप्चाले होस्टलको स्थापनादेखिको इतिहासको अन्तरदृष्टिपूर्ण सारांश प्रदान गरिन्। उनले स्वास्थ्य, सरसफाई, पोषण, र व्यापक हेरचाहमा ध्यान केन्द्रित गरेर किशोरीहरूको कल्याण हेतु कसरी प्राथमिकता दिन सकिन्छ भन्नेबारेमा विस्तृतरूपमा अवगत गराइन्। उनले किशोरीहरूलाई सशक्त र आत्मनिर्भर महिलाहरूको पालनपोषण गर्ने उनीहरूको प्रतिबद्धताको उद्देश्यलाई समाजमा सकारात्मक रूपमा योगदान गर्न सुसज्जित बनाउनु रहेको बताइन्।
किशोरीहरूले गायन, कथा कथन, र व्यक्तिगत अनुभवहरू साझा गर्ने समावेश सहित आफ्नो लुकेका प्रतिभाहरू प्रदर्शन गर्दा कार्यक्रमलाई उच्च बनाइएको थियो।