गान्तोक: बेटी बचाऔँ बेटी पढाऔँ कार्यक्रम अन्तर्गत महिला एवं बाल विकास विभागको पहलमा गत २ अक्टोबरदेखि ११ अक्टोबरसम्म दस दिवसीय कार्यक्रम शुरू गरेको छ। पाकिम जिल्लाको नयाँ बजारस्थित आइसीडीएस केन्द्रमा उक्त कार्यक्रम पालन गरिएको हो। कार्यक्रममा सामाजिक कल्याण विभागकी उप निर्देशक डिकित लेप्चाले साना बालबालिका र हेरचाह गर्नेहरूलाई संलग्न गराउने उद्देश्यका साथ महिला अनि बालबालिकालाई सहयोग गर्ने सरकारी योजनाहरूको बारेमा जानकारी गराइन्।
कार्यक्रमले महिलाहरूले सामना गर्नै चुनौतीहरूलाई सम्बोधन गर्न, सशक्तिकरण, लैङ्गिक समानता र उनीहरूको अधिकारको मान्यतालाई प्रवर्द्धन गर्ने आवश्यकतामाथि प्रकाश पारिन। यस अवसरमा बालबालिकाका लागि अन्तरक्रियात्मक कार्यक्रम पनि आयोजना गरिएको थियो भने हेरचाहकर्ताहरूलाई यी योजनाहरूले कसरी सहयोग पुऱ्याउन सकिन्छ भन्नेबारेमा प्रोत्साहित गरियो।