सिलगढी: शहरवासीहरूको चिन्ता सिलगढी महानगरीय पुलिसले कम गरेको छ। अब नगरवासीले कुनै भय नराखी पूजा पण्डलमा जानसक्नेछन्। दुर्गा पूजाको समयमा सिलगढी महानगरीय पुलिसको “एन्टी थेफ्ट टीम” द्वारा तपाईंको घरको सुरक्षा गरिनेछ। वास्तवमा शहरका मानिस पूजा गर्न घरबाट निस्कँदा सडकमा चोरी, लुटपाटका घटना बढ्छन्। यसलाई रोक्नका लागि नियन्त्रण टोली बाइक लिएर शहर घुम्ने छ। सिलगढी महानगरका डीसीपी विश्वचन्द ठाकुरले यो जानकारी दिए। डिसीपी विश्वचन्द ठाकुरले पुजामा घरबाट बाहिर निस्कँदा चोरीका घटना बढेको बताए।जसका कारण पुजाको समयमा मानिसहरु घर खाली छोडेर पुजा मण्डपमा जान डराउँछन्। यसैलाई मध्यनजर गर्दै चोरी नियन्त्रण टोली गठन गरिएको हो। चोरी, लुटपाटका घटना रोक्न १४ वटा चोरी विरोधी टोली गठन गरिएको छ। यो टोलीले बिहान बेलुका शहरका हरेक गल्ली र इलाकामा बाइक लिएर घुम्ने छ।