रोङचोङ: प्रगति युवा संघ गेम्स एण्ड स्पोर्ट्स कमिटी, रोङचोङको तत्त्वावधानमा आयोजित डी.बी. योगी स्मृति च्यालेञ्ज कप फूटबल टुर्नामेण्टमा मंगलवार दोस्रो सेमिफाइनल म्याच खेलियो। लोहापुल (एनएच १०) नजिक रोङचोङ पब्लिक ग्राउण्डमा आज भएको म्याचमा प्रधान इलेभेनले केएचएलयू कालेबुङविरुद्ध ३-२-ले जीत हासिल गऱ्यो। विजेता टीमबाट सिद्दूले ३६औं र ५२औं मिनटमा २ गोल गरे। यसबाहेक केशरले २२औं मिनटमा अन्य एक गोल गरे। यसरी केएचएलयू-बाट क्रिस छेत्रीले १०औं र १३औं मिनटमा २ गोल गरे। अब २ अक्टोबरमा खेलिने फाइनलमा प्रधान इलेभेन र एनएचपीसी रम्बीबीच भिड़न्त हुनेछ। यस सेभेन ए साइड टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनर अप् हुने टीमलाई आकर्षक ट्रफीको साथमा ६० हजार रुपियाँको नगद पुरस्कार प्रदान गरिनेछ।