नयाँ दिल्ली: प्रधानमन्त्री नरेन्द्र मोदीले आज महाराष्ट्रको बिडकिन औद्योगिक क्षेत्र ( बीआईए) राष्ट्रलाई समर्पण गरे, जुन भारतको औद्योगिक विकासमा महत्त्वपूर्ण कोसेढुङ्गा साबित हुनेछ। प्रधानमन्त्री भर्चुअल माध्यमबाट उक्त कार्यक्रममा सहभागी भएका थिए। पुणेमा आयोजित मुख्य समारोहमा महाराष्ट्रका राज्यपाल सी पी राधाकृष्णन, महाराष्ट्रका मुख्यमन्त्री एकनाथ शिन्दे र अन्य गणमान्य व्यक्तिहरू उपस्थित थिए। कार्यक्रमलाई ओरिक हलबाट वेबकास्ट गरिएको थियो, जसमा अतुल सावे, आवास र ओबीसी कल्याण मन्त्री, महाराष्ट्र सरकार, डा भागवत कराड, राज्यसभा सांसद र अन्य धेरै उपस्थित थिए। बिडकिन औद्योगिक क्षेत्र ७,८५५ ऐकरमा फैलिएको एक परिवर्तनकारी आयोजना हो। यो दिल्ली-मुम्बई औद्योगिक कोरिडोरको एक भागको रूपमा राष्ट्रिय औद्योगिक कोरिडोर विकास कार्यक्रम, (एनआईसीडीपी) अन्तर्गत विकसित गरिएको छ। महाराष्ट्रको छत्रपति संभाजी नगरबाट २० किलोमिटर दक्षिणमा अवस्थित यस औद्योगिक केन्द्रमा मराठवाडा क्षेत्रमा आर्थिक विकासलाई गति दिने अपार सम्भावना छ।

परियोजनाका मुख्य विशेषताहरू:

बिडकिन औद्योगिक क्षेत्र रणनीतिक रूपमा स्थान: बिडकिन औद्योगिक क्षेत्र एनएच-७५२ईको नजिक अवस्थित र नागपुरदेखि मुम्बई जोड्ने समृद्धि राजमार्गबाट ​​मात्र ३५ किलोमिटर अवस्थित रहेको उत्कृष्ट जडान छ। औरंगाबाद रेलवे स्टेशन (२० किमी), औरंगाबाद एयरपोर्ट (३० किमी) र जालना ड्राई पोर्ट (६५ किमी) को निकटताको कारण, बीआईए पीएम गतिशक्तिको सिद्धान्तहरू अनुरूप सिमलेस बहु-मोडल जडान प्रदान गर्न डिजाइन गरिएको छ।

चरणबद्ध विकास: भारत सरकारले ६,४१४ करोड रुपियाँको कुल लागतको यो परियोजनालाई स्वीकृत गरेको छ, जुन तीन चरणहरूमा विकास गरिने छ। चरण ए, २५११ ऐकर क्षेत्रफलमा २,४२७ करोड रुपियाँ लगानी हुनेछ। महाराष्ट्र औद्योगिक विकास निगम (एमआईडीसी) र राष्ट्रिय औद्योगिक करिडोर विकास र कार्यान्वयन ट्रस्ट बीचको ५१:४९ साझेदारीमा गठन गरिएको विशेष उद्देश्य वाहन (एसपीभी) महाराष्ट्र औद्योगिक टाउनशिप लिमिटेड, (एमआईटीएल) ले यो महत्वाकांक्षी परियोजनालाई अगाडि बढाएको छ।

पूर्वाधार तयार: बिडकिन औद्योगिक क्षेत्र अब फराकिलो सडक, गुणस्तरीय पानी र बिजुली आपूर्ति, र उन्नत ढल र साझा फोहोर प्रशोधन प्लान्टहरूले सुसज्जित छ। यी पूर्वाधारका कामहरू औद्योगिक र मिश्रित प्रयोगका भूखंडहरू आवंटनका लागि तयार छन्।

प्रमुख लगानी र आर्थिक प्रभाव

बिडकिनले एथर इनर्जी (१०० ऐकर), लुब्रिजोल (१२० ऐकर), टोयोटा-किर्लोस्कर (८५० ऐकरका लागि एमओयू) र जेएसडब्ल्यू ग्रीन मोबिलिटी (५०० ऐकर) जस्ता उल्लेखनीय कम्पनीहरूसँग पहिले नै महत्वपूर्ण लगानी आकर्षित गरिसकेको छ। यी चार परियोजनाहरूमा कूल ५६,२०० करोड रुपियाँ लगानी हुनेछ, जसले ३०,००० भन्दा बढी रोजगारी सिर्जना गर्ने सम्भावना छ। निर्माण भएको तीन वर्षमा कुल १ हजार ८२२ ऐकर (३८ प्लट) औद्योगिक र मिश्रित प्रयोग क्षेत्रमा बाँडफाँड गरिएको छ। बिडकिन औद्योगिक क्षेत्रको विकासले यस क्षेत्रको सामाजिक-आर्थिक विकासमा गहिरो प्रभाव पार्ने, दक्ष जनशक्ति आकर्षित गर्ने र द्रुत औद्योगिकीकरणलाई प्रवर्द्धन गर्ने अपेक्षा गरिएको छ।

औद्योगिक उत्कृष्टता तर्फ एक कदम

बिडकिन औद्योगिक क्षेत्रको राष्ट्रलाई समर्पणले विश्वव्यापी उत्पादन महाशक्ति बन्ने दिशामा भारतको निरन्तर प्रगतिको प्रतीक हो। यो परियोजना यस क्षेत्रको औद्योगिक विकास, आर्थिक समृद्धि र दिगो विकासलाई प्रवर्द्धन गर्न सरकारको “मेक इन इण्डिया, मेक फर द वर्ल्ड’को दृष्टिकोण अनुरूप छ। बिडकिनले औद्योगिक उत्कृष्टताको प्रतीक बन्ने, रोजगारी सिर्जना गर्ने, निर्यात प्रवर्द्धन गर्ने र यस क्षेत्रको समग्र विकासमा योगदान पु¥याउने प्रधानमन्त्री मोदीले जोड दिए। -पीआईबी