सिलगढी: मुख्यमन्त्री ममता ब्यानर्जी आइतबार उत्तर बंगालको एक दिने भ्रमणमा आइपुगेकी छिन्। उनी अपराह्न ४:१५ बजे सिलगढी मिनी सचिवालय ‘उत्तरकन्या’ पुगिन्। उत्तर बंगालमा बाढीको अवस्थाको बारेमा दार्जीलिङ, जलपाईगढी, कालेबुङ, अलिपुरद्वार, कोचबिहार पाँच जिल्लाका प्रशासनिक अधिकारीहरूसँग मुख्यमन्त्रीले बैठक  गरिन्। बैठकपछि मुख्यमन्त्री ममता ब्यानर्जीले उत्तरकन्यामा पत्रकारहरुलाई सम्बोधन गरिन्। संयोगवश गजोलडोबामा करेन्ट लागेर एकै परिवारका चारजनाको मृत्यु भएकोमा मुख्यमन्त्री ममता ब्यानर्जीले शोक प्रकट गर्दै परिवारलाई ५ लाख रुपियाँ क्षतिपूर्ति दिएर सहयोगको हात बढाइन्। यसका साथै उनले सिलगढीको विधान मार्केटमा भएको आगलागीबाट प्रभावित पसललाई क्षतिपूर्ति उपलब्ध गराउने विषय मन्त्री अरूप विश्वासलाई हस्तान्तरण गरिन्। उनीहरुले यस दिन मृतक परेश दासका १८ वर्षीय छोरा अनिमेश दाससँग लामो समयसम्म कुराकानी गरेपछि व्यापारीलाई क्षतिपूर्ति दिने निर्णय गरिन्। आज पत्रकारहरूसँगको अन्तरक्रियामा उनले उत्तर बंगालको बाढीको अवस्थालाई सदैव नियाल्न पाँच जिल्लाका अधिकारीलाई निर्देशन दिएको बताइन्। उनले भनिन्, ‘प्राकृतिक प्रकोप भएकाले यसलाई रोक्ने कसैको हातमा छैन। तर, पहाडदेखि तराईसम्म सबै विषयमा अनुगमन भइरहेको छ।