नयाँ दिल्ली: ईंग्ल्याण्डका अनुभवी स्पिनर आदिल राशिदले शनिवार अष्ट्रेलियाविरुद्ध लीड्समा भएको दोस्रो वनडे इण्टरनेशनल क्रिकेट म्याचमा इतिहास रचे। उनी यस प्रारूपमा २०० विकेट पूरा गर्ने ईंग्ल्याण्डका पहिलो स्पिन बलर बने। उनले आज आफ्नो १० ओभरको कोटामा ४.२ रन प्रति ओभरको औसतले ४२ रन खर्च गरी ग्लेन म्याक्सवेल र एडम जाम्पाको रूपमा २ विकेट हासिल गरे। साल २००९-मा यस प्रारूपमा पदार्पणपछि राशिदले १३७ वटा वनडे म्याचमा ३२.२२-को औसतले २०१ विकेट लिएका छन्। यस अवधि २७ रनमा ५ विकेट उनको सर्वश्रेष्ठ प्रदर्शन रह्यो। उनले आफ्नो वनडे करियरमा ८ पल्ट ४ विकेट अनि दुईपल्ट ५ विकेट लिएका छन्। राशिद वनडे प्रारूपमा ईंग्ल्याण्डको तेस्रो सर्वाधिक विकेट लिने बलर हुन्। यस सूचीमा दिग्गज पेस बलर जेम्स एण्डरसन (१९४ वटा म्याचमा २६९ विकेट) पहिलो अनि डेरेन गफ (१५८ वटा म्याचमा २३४ विकेट) दोस्रो स्थानमा छन्।