सिलगढी: श्रीमतीलाई यातना दिएको आरोपमा फरार श्रीमानलाई भक्तिनगर पुलिस थानाले छपराबाट पक्राउ गरेको छ। अभियुक्तको नाम मोहम्मद चन्द हुसेन हो। उनी भक्तिनगर थानाको असरफ नगर क्षेत्रका बासिन्दा हुन्।करिब एक वर्षअघि मोहम्मद चन्द हुसैनको अशरफ नगर क्षेत्रकी एक युवतीसँग विवाह भएको जानकारी प्राप्त भएको छ। विवाह लगत्तै यी दुईबीच विवाद सुरु भएको थियो। श्रीमान र ससुराले युवतीलाई शारीरिक र मानसिक यातना दिने गरेको आरोप छ। आफ्नी छोरीमाथि अत्याचार भएको खबर सुनेपछि करिब साढे दुई महिनाअघि युवतीका बुवाले श्रीमान र परिवारलाई घरेलु हिंसा र ज्यान मार्ने प्रयास गरेको आरोप लगाउँदै भक्तिनगर पुलिस थानामा लिखित उजुरी दिएका थिए। यस घटनापछि आरोपी श्रीमान फरार छन्। उजुरीको साढे दुई महिनापछि पुलिसले गोप्य स्रोतको सहयोगमा श्रीमतीमाथि यातना दिएको आरोपमा हिजो छपराबाट आरोपी श्रीमानलाई पक्राउ गरी आज सिलगढी ल्याएको छ। आरोपीलाई आज जलपाईगुडी अदालतमा पेश गरिएको छ। पुलिसले सम्पूर्ण मामिलाको अनुसन्धान गरिरहेको छ।