सिलगढी: गोप्य स्रोतबाट प्राप्त जानकारीको आधारमा प्रधान नगर थानाको पुलिसले अपरेशन गरी चार जनालाई पक्राउ गर्न सफल भएको छ। उनीहरुको साथबाट विभिन्न प्रकारका हतियार र उपकरण बरामद भएको छ। दागापुर चिया बगान नजिकैको खेतमा हतियार राखेर अपराध गर्ने योजना रहेको खबर शुक्रबार राति प्रधाननगर पुलिस चौकीले पाएको थियो। गोप्य स्रोतबाट सूचना पाएलगत्तै सादा पोशाकमा रहेको प्रधाननगर पुलिस चौकीले अभियान चलाएको थियो। पुलिसको छापा मारेर तीनजना लुटेरा भाग्न सफल भए पनि चारजना पक्राउ परेका थिए। पक्राउ पर्नेमा शिव बर्मन, खोकन महन्त, राकेश साह र मिथुन खाटिक रहेका छन्। पक्राउ परेकाहरुको साथबाट पुलिसले धेरै हतियार र उपकरण बरामद गरेको छ। त्यसपछि उनलाई प्रधाननगर पुलिस चौकीमा ल्याइयो। उनीहरुलाई सोधपुछ गरेपछि प्रधाननगर पुलिस थानाको सादा पोशाकको पुलिसले घटनास्थलबाट फरार रहेका अन्य लुटेराहरुको खोजी शुरु गरेको थियो। अभियानमा पक्राउ परेका चारै जनालाई शनिबार सिलगढी अदालतमा पेश गरियो। प्रधाननगर पुलिस थानाको पुलिस स्रोतका अनुसार अभियुक्तहरूले प्रधाननगर थाना क्षेत्रमा डकैती गर्ने योजना बनाएको आरोप छ।