बागडोग्रा: बिहार मोडमा सरकारी बसबाट ओर्लिदै गर्दा एक व्यक्तिको सडक दुर्घटना भएको छ। यस घटनामा घाइते भएको ब्यक्तिको नाम फजिरुल रहमान रहेको हो। उनी चोपडाका बासिन्दा हुन्। उत्तर बङ्गाल राज्य यातायात निगमको बस सिलगढीतर्फ आइरहेको बताइएको छ। त्यसपछि यात्रुहरूलाई उतार्न बागडोग्रा बिहार मोडमा बस रोकियो र केही यात्रुहरू त्यहाँ ओर्लिए। तर फजिरुल रहमान तल झर्यो। जसका कारण बसको चक्काले उनको खुट्टा किच्यायो। अर्कोतर्फ व्यक्तिले चिच्याएको आवाज सुनेपछि स्थानीयवासीले घटनास्थलमा पुगेर गम्भीर अवस्थामा रहेका व्यक्तिलाई उद्दार गरी उत्तर बङ्गाल मेडिकल कलेज तथा अस्पतालमा पुर्याए। चालक बस छोडेर भागेकाे जानकारी प्राप्त भएको छ भनेे बसका कन्डक्टरलाई बागडोग्रा ट्राफिक गार्डका कर्मचारीले नियन्त्रणमा लिएका छन्। बागडोग्रा ट्राफिक गार्ड र बागडोग्रा पुलिसले घटनाको सम्पूर्ण अनुसन्धान सुरु गरेको छ।