कोचबिहार: कोचबिहारको दिनहाटा जिल्लाको पेटला बल्लारकुठी क्षेत्रबाट अवैध हतियारसहित सञ्जीव बर्मन नामका एक व्यक्तिलाई पक्राउ गरिएको छ। सञ्जीवले श्रीमतीलाई गोली हानेर फरार भएको आरोप छ। यस घटनाबारे १७ अगस्तमा दिनहाटा पुलिस चौकीमा लिखित उजुरी परेको थियो। पूरै घटनाको अनुसन्धानसँगै पुलिसले आरोपीको खोजी गरिरहेको छ। पछिल्लो आरोपी सञ्जीव पक्राउ परेका छन्, उनलाई पेटला बल्लारकुठी क्षेत्रबाट पक्राउ गरिएको हो। बिहीबार जानकारी दिँदै श्रीमतीमाथि गोली प्रहार गरेको अभियुक्तबाट अवैध हतियार पनि बरामद भएको दिनहाटा पुलिस चौकीले जनाएको छ। श्रीमतीलाई किन गोली हानेको हो भन्ने पत्ता लगाउन पुलिसले अभियुक्तलाई अदालतमा पेश गरी ५ दिनको रिमाण्डमा लिएको छ।