भद्रपुर: संयुक्त राष्ट्र संघले पहिलो पटक आयोजना गर्न लागेको ‘समिट अफ द फ्युचर’ मा सहभागी हुने नेपाल तीन युवा नेताहरूले सहभागिता जनाउने भएका छन्।
नेपाल सरकारसँगको सहकार्यमा काठमांडूस्थित यूएनको आवासीय प्रतिनिधिको कार्यालयबाट छनोट गरेर नेपालका तीन युवा न्युयोर्क जान लागेका हुन्।
सहभागी हुनेमा डडेल्धुराको पर्शुराम नगरपालिकाका मेयर भरत बडायर जोशी, काठमांडू महानगरपालिकाकी उपमेयर सुनीता डंगोल र एकीकृत मालेका युवा नेता अब्दुस मियाँले समिट अफ द फ्युचर समिटमा सहभागिता जनाउन लागेका हुन्।
उनीहरुले समिट अफ द फ्युचरमा नेपाली युवाहरुको प्रतिनिधित्व गर्ने छन्।