सिलगढी: पूजाअघि समाज विरोधी गतिविधि रोक्न एनजेपी थानाको पुलिस सादा पोशाकमा सक्रिय छ। पूजालाई मध्यनजर गर्दै प्रशासनले समाज विरोधी गतिविधि हुन नदिन थप सुरक्षाकर्मी खटाएको छ। विभिन्न पुलिस थानालाई समाज विरोधी गतिविधिमा कारबाही गर्न निर्देशन दिइएको छ। सो आदेशपछि एनजेपी पुलिस चौकीले असामाजिक गतिविधिविरुद्ध सक्रियता बढाएको छ। विभिन्न क्षेत्रमा पुलिसको छापा जारी छ। बिहीबार राति फुलबारी बाइपास र बरिवासका दुई फरक स्थानमा छापा मारेर ठूलो परिमाणमा देशी रक्सी भएको छ। घटनामा विकास बर्मन र दीपक दास नामका दुई जना पक्राउ परेका छन्। आरोपितले लामो समयसम्म घरमा बसेर पुलिसको आँखामा धुलो हानेर यस्तो काम गर्ने गरेको बुझिएको छ। पक्राउ परेकाहरूलाई शुक्रबार जलपाईगढी अदालतमा पठाइएको छ।