पटना: आरजेडी प्रमुख लालु यादवको हालै मुम्बईको एशियन हार्ट इन्स्टिच्युटमा मुटुको शल्यक्रिया गरिएको छ। सेप्टेम्बर १० मा उनलाई अस्पतालमा भर्ना गरिएको थियो, बुधबार एन्जियोप्लास्टी गरियो। ब्लाकेजपछि यो अपरेशन गरिएको समाचार छ। हाल उनको अवस्था सामान्य रहेको चिकित्सकहरुले बताएका छन्। लालु यादवको पहिलो ओपन हार्ट सर्जरी २७ अगस्त २०१४ मा एसियन हार्ट इन्स्टिच्युटमा भएको थियो। शल्यक्रिया प्रख्यात मुटु रोग विशेषज्ञ रमाकान्त पाण्डेयको निगरानीमा भएको थियो भने २० जना चिकित्सकको टोली संलग्न रहेको थियो। यो शल्यक्रिया ६ घण्टाभन्दा बढी चलेको थियो, जसमा लालुको महाधमनीको भल्भ बदलिएको थियो। जुलाई महिनामा पनि लालु यादवको स्वास्थ्य बिग्रिएको थियो। पिसाबमा समस्या आएपछि उनलाई दिल्लीको एम्समा भर्ना गरिएको थियो। दुई वर्षअघि लालु यादवको सिंगापुरमा मिर्गौला प्रत्यारोपण गरिएको थियो, जसमा उनकी छोरी रोहिणी आचार्यले आफ्नो एउटा मिर्गौला दान गरेकी थिइन्। मिर्गौला प्रत्यारोपणपछि उनको स्वास्थ्यमा सुधार देखिएको थियो। जब रोहिणी आचार्य सारणबाट लोकसभा चुनाव लडेकी थिइन्, लालुले पनि उनको चुनावी अभियानमा भाग लिएका थिए। तर, मिर्गौला प्रत्यारोपणपछि उनले केही सावधानी अपनाउनुपर्दा अन्य रोगले पनि सताएको थियो।